FLASH

മഴ.. മഴ.. മഴ… എങ്ങും വെളളക്കെട്ടുകൾ,ഗതാഗതക്കുരുക്ക്, ഏതാനും മണിക്കൂറുകൊണ്ട് നരകതുല്യമായി നഗരജീവിതം.

ബെംഗളൂരു: ഏതാനും മണിക്കൂർ മാത്രം പെയ്ത മഴയിൽ നനഞ്ഞ് കുതർന്ന് നഗരം. വൈകുന്നേരം 6 മണിയോടെ നരത്തിൻ്റെ വിവിധ ഭാഗങ്ങളിൽ ആരംഭിച്ച ഇടനിട്ടും തുടർന്നുമുള്ള മഴ നഗരജീവിതത്തെ അക്ഷരാർത്ഥത്തിൽ നഗരതുല്യമാക്കി മാറ്റി. മന്ത്രിമാരും മുൻ മന്ത്രിമാരും മറ്റും താമസിക്കുന്ന വി.ഐ.പി.ഏരിയയായ ഡോളേഴ്സ് കോളനിയിൽ വരെ 4 വീടുകളിൽ വെള്ളം കയറി. കോറമംഗലയിൽ 20 വീടുകളിൽ വെള്ളം കയറി. ബന്നാർ ഘട്ട റോഡ്, മാർത്തഹള്ളി, മൈസൂരു റോഡിലെ നായന്തനഹള്ളി, ഹൊസൂർ മെയിൻ റോഡിൽ ഇലക്ട്രോണിക് സിറ്റിയിലെ വീരസാന്ദ്ര എന്നിവിടങ്ങളിൽ റോഡിൽ വെള്ളം നിറഞ്ഞു, വാഹന ഗതാഗതം…

മുൻ ഓസ്ട്രേലിയൻ ക്രിക്കറ്റ് താരം ആൻഡ്രൂ സൈമണ്ട്സ് വാഹനാപകടത്തിൽ മരിച്ചു.

സിഡ്നി: പ്രശസ്ത ഓസ്‌ട്രേലിയൻ ക്രിക്കറ്റ് താരം ആൻഡ്രൂ സൈമണ്ട്‌സ് അന്തരിച്ചു. ശനിയാഴ്ച രാത്രി ടൗൺസ്‌വില്ലിന് പുറത്ത് ഒരു കാർ അപകടത്തിലായിരുന്നു മരണം. അന്താരാഷ്ട്ര ക്രിക്കറ്റ് കരിയറിൽ അവിസ്മരണീയ നേട്ടങ്ങൾ സ്വന്തമാക്കിയ ക്രിക്കറ്ററായിരുന്നു  അദ്ദേഹം. ഓസ്‌ട്രേലിയൻ ക്രിക്കറ്റ് കണ്ട ഏറ്റവും മികച്ച ഓൾറൗണ്ടർമാരിൽ ഒരാളായ സൈമണ്ട്‌സിന് 46 വയസ്സായിരുന്നു. സൈമണ്ട്‌സ് താമസിച്ചിരുന്ന ടൗൺസ്‌വില്ലെയിൽ നിന്ന് 50 കിലോമീറ്റർ അകലെയുള്ള ഹെർവി റേഞ്ചിലായരുന്നു അപകടം. ദാരുണമായ ഈ അപകടത്തെ കുറിച്ച് അന്വേഷിക്കുകയാണെന്ന് പൊലീസ് പ്രസ്താവനയിൽ പറഞ്ഞു. രാത്രി 11 മണിക്ക് ശേഷം ഹെർവി റേഞ്ച് റോഡിൽ കാർ…

സൂക്ഷിക്കുക…അത്തിബെലെയിലെ വാഹന നിർമ്മാണ കമ്പനിയുമായി ബന്ധപ്പെട്ട ജോലി തട്ടിപ്പ്;4 വർഷം മുൻപ് വാർത്ത നൽകിയെങ്കിലും നിരവധി മലയാളികൾ കുടുങ്ങുന്നു.

ബെംഗളൂരു : അത്തിബെലെയിലെ പ്രസിദ്ധമായ വാഹന നിർമാണ കമ്പനിയിൽ ജോലി ഉറപ്പ് നൽകി പറ്റിക്കുന്ന ഏജൻസികളുടെ പരിപാടി ഇപ്പോഴും നിർബാധം തുടരുന്നു. ഇത്തവണ ജോലി വാഗ്ദാനം വിശ്വസിച്ചെത്തിയ 40 മലയാളികൾ ആണ് വഞ്ചിക്കപ്പെട്ടത്. 3000-4000 രൂപ വരെ ഉദ്യോഗാർത്ഥികളിൽ നിന്ന് വാങ്ങിയതിന് ശേഷം കമ്പനിയുടെ മുന്നിൽ എത്താൻ പറയുകയായിരുന്നു. തുടർന്ന് ഇവിടെ ജോലിയില്ലെന്നും വഞ്ചിക്കപ്പെടുകയായിരുന്നു എന്നും തിരിച്ചറിയുകയായിരുന്നു. ചില മലയാളി സംഘടനകളുടെ സഹായത്തോടെ ഉദ്യേഗാർത്ഥികൾ അന്നപൂർണേശ്വരി നഗർ പോലീസ്റ്റേഷനിൽ പരാതി നൽകി. ഏജൻസി പ്രതിനിധികളെ വിളിച്ച് വരുത്തിയ പോലീസ് ഈടാക്കിയ ഫീസ് തിരിച്ച് വാങ്ങിക്കൊടുക്കുകയായിരുന്നു.…

കേരള സമാജം ഓൺലൈൻ ചിത്രരചനാ മത്സരം 2022.

ബെംഗളൂരു: കേരള സമാജം സിറ്റി സോൺ യൂത്ത് വിങ്ങിൻ്റെ ആഭിമുഖ്യത്തിൽ  ഒ വി മനോജ് മെമ്മോറിയൽ ഓൺലൈൻ ചിത്രരചനാ  മത്സരം 2022 സംഘടിപ്പിക്കുന്നു. മൂന്ന് ഗ്രൂപ്പുകളായി 22 വയസ്സു വരെ ഉള്ള യുവ പ്രതിഭകൾക്ക് ഈ മൽസരത്തിൽ പങ്കുചേരാം. ഗ്രൂപ്പ് 1: അഞ്ചാം ക്ലാസ്സ് വരെ,ഗ്രൂപ്പ് 2 : ആറു മുതൽ പത്താം ക്ലാസ് വരെ ഗ്രൂപ്പ് 3: പതിനൊന്നാം ക്ലാസ്സ് മുതൽ 22 വയസ്സ് വരെ. മത്സര ഇനം: വാട്ടർകളർ, പെയിസ്റ്റൽ കളർ, ക്രയോൺസ് സമ്മാനം (ഗ്രൂപ്പടിസ്ഥാനത്തിൽ) ഒന്നാം സമ്മാനം : ₹…

കേരള ആർ.ടി.സി.സമരം;നഗരത്തിൽ നിന്നുള്ള സർവീസുകൾ അനിശ്ചിതത്വത്തിൽ!

ബെംഗളൂരു : സി.ഐ.ടി.യു ഒഴികെയുള്ള തൊഴിലാളി സംഘടനകൾ പണിമുടക്ക് പ്രഖ്യാപിച്ചതോടെ കേരളത്തിൽ ആർ.ടി.സിയുടെ പ്രവർത്തനം അവതാളത്തിൽ ആയിരിക്കുകയാണ്. ഇതിൻ്റെ പ്രതിഫലനങ്ങൾ നഗരത്തിൽ നിന്ന് കേരളത്തിലേക്ക് യാത്ര ചെയ്യാൻ പദ്ധതിയിട്ടിരിക്കുന്നവരേയും ബാധിക്കാനുള്ള സാധ്യതകൾ കാണുന്നുണ്ട്. ഇന്ന് കേരളത്തിൽ നിന്ന് ബസുകൾ എത്തിയാൽ കേരളത്തിലേക്കുള്ള ഇന്നത്തെ സർവീസുകൾ പതിവുപോലെ നടക്കുമെന്ന് നഗരത്തിലെ കെ.എസ്.ആർ.ടി.സി.യുടെ അധികൃതർ അറിയിച്ചു. അതേ സമയം വാരാന്ത്യമായതിനാൽ നഗരത്തിൽ നിന്ന് കേരളത്തിലേക്ക് കൂടുതൽ ജനങ്ങൾ യാത്ര ചെയ്യും, അതു കൊണ്ട് തന്നെ ഇന്നത്തെ സർവ്വീസുകൾ മുടങ്ങിയാൽ അത് കൂടുതൽ അന്തർ സംസ്ഥാന യാത്രക്കാരെ ബാധിക്കും.…

സന്തോഷ് ട്രോഫി കേരളത്തിന്.

മഞ്ചേരി : പയ്യനാട് സറ്റേഡിയത്തിൽ ഇന്ന് നടന്ന മത്സരത്തിൽ പെനാൽട്ടി ഷൂട്ടൗട്ടിൽ കേരളം ബദ്ധവൈരികളായ ബംഗാളിനെ നാലിനെതിരെ അഞ്ചു ഗോളുകൾക്ക് തറപറ്റിച്ചു. ആദ്യ 90 മിനിറ്റിൽ ഗോൾ രഹിത സമനിലയിൽ തുടർന്ന മൽസരം അധിക സമയത്തേക്ക് കടക്കുകയായിരുന്നു. തുടർന്ന് രണ്ട് ടീമകളും ഓരോ ഗോൾ അടിച്ച് സമനില പിടിച്ചു. തുടർന്ന് നടത്തിയ പെനാൽട്ടി ഷൂട്ടൗട്ടിൽ ബംഗാൾ താരം പന്ത് പുറത്തേക്ക് അടിച്ച് കളഞ്ഞ് പാഴാക്കുകയായിരുന്നു. കേരള താരങ്ങൾ എല്ലാം ലക്ഷ്യം കണ്ടതോടെ കേരളം ഏഴാമത്തെ സന്തോഷ് ട്രോഫിയിൽ മുത്തമിട്ടു.

കടുത്ത വേനലിലും കനത്ത മഴ, മേമ്പൊടിയായി ആലിപ്പഴ വർഷവും..

ബെംഗളൂരു : കനത്ത വേനലും ചൂടും തുടരുമ്പോഴും നഗരത്തിൽ ഏതാനും ദിവസങ്ങളായി കനത്ത മഴയും തുടരുകയാണ്. ഇന്നലെ രാത്രിയോടെ നഗരത്തിലെ വിവിധ ഭാഗങ്ങളിൽ കനത്ത മഴ ഉണ്ടായിരുന്നു, ഇന്ന് വെകുന്നേരത്തോടെ വീണ്ടും മഴ പെയ്യുകയായിരുന്നു. ഇന്ന് ബി.ടി.എം, എച്ച്.എസ്.ആർ.ലേ ഔട്ട് തുടങ്ങിയ ഇടങ്ങളിൽ മഴയോടൊപ്പം ആലിപ്പഴ വർഷവും ഉണ്ടായി. ഇടിയോട് കൂടിയ മഴ നഗരത്തിൽ വിവിധ ഇടങ്ങളിൽ റിപ്പോർട്ട് ചെയ്തു. സ്വാഭാവികമായും നഗരത്തിലെ വിവിധ ഭാഗങ്ങളിൽ ഗതാഗതക്കുരുക്കും രൂപപ്പെട്ടു.

ലാലേട്ടൻ്റെ ഏറ്റവും പുതിയ ചിത്രത്തിൻ്റെ കിടിലൻ ടീസർ പുറത്ത്; മികച്ച പ്രതികരണം.

സൂപ്പർ ഹിറ്റ് സംവിധായകൻ ജിത്തു ജോസഫ് ഒരുക്കുന്ന കംപ്ലീറ്റ് ആക്ടർ മോഹൻലാലിൻ്റെ ഏറ്റവും പുതിയ സിനിമ ട്വൽത്ത് മാൻ്റെ ടീസർ പുറത്ത്. മോഹൻലാലിന് പുറമെ ഉണ്ണി മുകുന്ദൻ, അനുശ്രീ, അനു സിതാര, സൈജു കുറുപ്പ് എന്നിവർ ഈ ചിത്രത്തിൽ അഭിനയിക്കുന്നുണ്ട്. ആശിർവാദ് സിനിമാസിൻ്റെ ബാനറിൽ ആൻ്റണി പെരുമ്പാവൂർ നിർമ്മിക്കുന്ന ചിത്രം ഡിസ്നി ഹോട്ട് സ്റ്റാർ ഓ.ടി.യിലാണ് പ്രദർശിപ്പിക്കുന്നത്.

ഇഫ്താർ സംഗമം നടത്തി.

ബെംഗളൂരു : അനേക്കൽ നൻമ മലയാളി കൾചറൽ അസോസിയേഷൻ്റെ ആഭിമുഖ്യത്തിൽ ഇഫ്താർ സംഗമം നടത്തി. വി.ബി.എച്ച്.സി.വൈഭവ അപ്പാർട്ട് മെൻ്റ് കമ്യൂണിറ്റി ഹാളിൽ വച്ച് നടന്ന പരിപാടിയിൽ നൻമ മലയാളീ കൾചറൽ അസോസിയേഷൻ്റെ നിരവധി അംഗങ്ങൾ പങ്കെടുത്തു. തകഴി അവാർഡ് ജേതാവ് ശ്രീ ജോർജ് മരങ്ങോലി മുഖ്യ പ്രഭാഷണം നടത്തി, മതേതരത്വം വെല്ലുവിളി നേരിടുന്ന ഈ കാലഘട്ടത്തിൽ ഇഫ്താർ വിരുന്നുകളുടെ പ്രാധാന്യത്തെക്കുറിച്ച് അദ്ദേഹം ഓർമ്മപ്പെടുത്തി. അംഗങ്ങൾക്ക് ഇഫ്താർ കിറ്റുകൾ വിതരണം ചെയ്തു.

മുതിർന്ന കോൺഗ്രസ് നേതാവ് കെ.ശങ്കരനാരായണൻ അന്തരിച്ചു.

മുതിർന്ന കോൺ​ഗ്രസ് നേതാവ് കെ ശങ്കരനാരായണൻ (90) അന്തരിച്ചു. മഹാരാഷ്ട്രയടക്കം ആറ് സംസ്ഥാനങ്ങളിൽ ഗവർണർ ആയി സേവനമനുഷ്ഠിച്ചിട്ടുണ്ട്. കെ കരുണാകരൻ , ഏ കെ ആന്റണി മന്ത്രി സഭകളിൽ അംഗമായിരുന്നു. യുഡിഎഫ് കൺവീനർ ആയും പ്രവർത്തിച്ചിട്ടുണ്ട്. പാലക്കാട്ടെ വീട്ടിൽ വച്ചായിരുന്നു അന്ത്യം. കേരളത്തിന്റെ ധനകാര്യമന്ത്രിയായിരുന്നു. നാഗാലാൻ്റ്, അരുണാചൽ, അസം, ജാർഖണ്ഡ് ,മഹാരാഷ്ട്ര എന്നിവിടങ്ങളിലാണ് അദ്ദേഹം ​ഗവർണറായിരുന്നത്. ഗോവയുടേയും ചുമതല വഹിച്ചിരുന്നു.

1 2 3 869
Click Here to Follow Us