FLASH

നഗരത്തിൽ ഏതാനും ദിവസങ്ങൾ കൂടി കനത്ത മഴക്ക് സാധ്യത;13 ജില്ലകളിൽ യെല്ലോ അലർട്ട്.

ബെംഗളൂരു : ഈ മാസം 26 വരെ നഗരത്തിൽ കനത്ത മഴക്ക് സാധ്യത.

25-26 തീയതികളിൽ ഇടിയോട് കൂടിയ കനത്ത മഴ പെയ്യുമെന്നും കാലാവസ്ഥാ നിരീക്ഷണ കേന്ദ്രം പ്രവചിച്ചു.

കഴിഞ്ഞ ദിവസങ്ങളിൽ നഗരത്തിൽ ഉണ്ടായ മഴയിൽ വിദ്യാരണ്യപുരയിൽ 64 സെൻ്റീമീറ്ററും ദൊഡ്ഡബൊമ്മ സാന്ദ്രയിൽ 60.5 സെൻ്റീ മീറ്ററും മഴ ലഭിച്ചു.

യെശ്വന്ത് പുര, ഹെബ്ബാൾ, ബിലേക്കഹള്ളി, ബി.ടി.എം ലേ ഔട്ട്, കോറമംഗല എന്നിവിടങ്ങളിൽ കനത്ത മഴ ലഭിച്ചു.

വായിക്കുക:  അപകട ഭീതിയിൽ സംസ്ഥാനം; ദുർബലമായ 300 കെട്ടിടങ്ങൾ തിരിച്ചറിഞ്ഞതായി ബിബിഎംപി

നിരവധി സ്ഥലങ്ങളിൽ വെള്ളക്കെട്ട് രൂപപ്പെട്ടു, മുഖ്യമന്ത്രി ബസവരാജ് ബൊമ്മെയുടെ ഔദ്യോഗിക വസതിക്ക് സമീപം മരം കടപുഴകി.

മന്ത്രി മുരുകേഷ് നിറാനിയുടെ ഔദ്യോഗിക വസതിക്ക് സമീപവും ബി.ബി.എം.പി. ഹെഡ് ഓഫീസിന് സമീപവും വൻ വെള്ളക്കെട്ട് രൂപപ്പെട്ടു.

അതേ സമയം സംസ്ഥാനത്തെ മറ്റ് 5 തെക്കൻ ജില്ലകളിലും കനത്ത മഴ തുടരും.13 ജില്ലകളിൽ യെല്ലോ അലേർട്ട് പ്രഖ്യാപിച്ചിട്ടുണ്ട്.

"ബെംഗളൂരുവാർത്ത"വാട്സ് ആപ്പിൽ ലഭിക്കാൻ 8880173737 ലേക്ക് "Hi" അയക്കുക. വാർത്ത നൽകാൻ bvaartha@gmail.com ലേക്ക് അയക്കുക.

Related posts

[metaslider id="72989"]