FLASH

ഈ വർഷം എഞ്ചിനീയറിംഗ് കോഴ്സുകൾക്ക് കട്ട്ഓഫ് ഇല്ല

ബെംഗളൂരു: എഞ്ചിനീയറിംഗ് കോഴ്സുകൾ തിരഞ്ഞെടുക്കുന്ന സിഇടി വിദ്യാർത്ഥികൾക്ക് കട്ട്ഓഫ് മാർക്കുകൾ ഉണ്ടാകില്ല. വർഷം 1.83 ലക്ഷം വിദ്യാർത്ഥികൾ എഞ്ചിനീയറിംഗ് സീറ്റുകൾക്ക് യോഗ്യരാണ്. മുൻ വർഷത്തെ അപേക്ഷിച്ച് ഗണ്യമായ വർദ്ധനവ് ഉണ്ടായിട്ടുണ്ട് എന്ന് ഉന്നത വിദ്യാഭ്യാസ മന്ത്രി സി എൻ അശ്വത് നാരായൺ പറഞ്ഞു. സംസ്ഥാനത്തുടനീളമുള്ള 530 കേന്ദ്രങ്ങളിലായി ഓഗസ്റ്റ് 28 മുതൽ 30 വരെ ദിവസങ്ങളിലാണ് സിഇടി നടന്നത്. 2,01,834 പേർ പരീക്ഷ എഴുതാൻ അപേക്ഷിച്ചതിൽ 1,93,447 ഉദ്യോഗാർത്ഥികൾ ഹാജരായി.

സംസ്ഥാനത്തെ 1.09 ലക്ഷം എൻജിനീയറിങ് സീറ്റുകളിൽ 54,000 സീറ്റുകൾ സിഇടി വഴി സർക്കാർ നികത്തുമെന്ന് മന്ത്രി പറഞ്ഞു. കഴിഞ്ഞ വർഷം 20,000 സീറ്റുകൾ ഒഴിഞ്ഞു കിടന്നതായും മന്ത്രി പറഞ്ഞു.  വർഷം, സിഇടിമാത്രം അടിസ്ഥാനമാക്കിയാണ് ഫലം വരുക. 12 -ാം ക്ലാസ് പരീക്ഷയുടെ മാർക്ക് ഫലത്തെ ബാധിക്കില്ല. ആദ്യം വരുന്നവർക്ക് ആദ്യം എന്ന  അടിസ്ഥാനത്തിൽ വിദ്യാർത്ഥികളെ തിരഞ്ഞെടുക്കും എന്ന് എഞ്ചിനീയറിംഗ് കോഴ്‌സുകൾക്ക് കട്ട് ഓഫ് ഉണ്ടോ എന്ന ചോദ്യത്തിന് മന്ത്രി മറുപടി പറഞ്ഞു.

"ബെംഗളൂരുവാർത്ത"വാട്സ് ആപ്പിൽ ലഭിക്കാൻ 8880173737 ലേക്ക് "Hi" അയക്കുക. വാർത്ത നൽകാൻ bvaartha@gmail.com ലേക്ക് അയക്കുക.

Written by 

Related posts

[metaslider id="72989"]