FLASH

ഭീഷണിപെടുത്തി കൈക്കൂലി വാങ്ങാൻ ശ്രമം; പോലീസുകാർക്കെതിരെ കേസ്

ബെംഗളൂരു: ഇന്റീരിയർ ഡിസൈനർ ആയ സുദീപിനെതിരെയുള്ള വഞ്ചന കുറ്റം ഒത്തുതീർപ്പാക്കാൻ ഭീഷണിപെടുത്തി കൈക്കൂലി വാങ്ങാൻ ശ്രമിച്ച പോലീസ് ഉദ്യോഗസ്ഥർക്കെതിരെ അഴിമതി വിരുദ്ധ ബ്യൂറോ (എ.സി.ബി) കേസ് എടുത്തു.

സുദീപ് ജോലി പൂർത്തിയാക്കാതെ പണം വാങ്ങി വഞ്ചിച്ചു എന്ന പരാതിയുടെ പേരിലാണ് സുദീപിനെയും ഭാര്യയെയും വൈറ്റ് ഫീൽഡ് സൈബർ ക്രൈം സ്റ്റേഷനിലേക്ക് വിളിപ്പിച്ചത്.

എന്നാൽ ആരെയും വഞ്ചിച്ചിട്ടില്ലെന്നും ഇന്റീരിയർ ഡിസൈനിങ് ജോലി പൂർത്തിയാക്കാൻ താൻ തയ്യാറാണെന്നും സുദീപ് പറഞ്ഞു. പക്ഷെ ഇൻസ്‌പെക്ടർ രേണുക തന്നെ അറസ്റ്റ് ചെയ്യുമെന്ന് ഭീക്ഷണി പെടുത്തിയതായും പത്തു ലക്ഷം രൂപ കൈക്കൂലി നൽകണമെന്ന് ആവശ്യപ്പെട്ടതായും സുദീപ് അഴിമതി വിരുദ്ധ ബ്യൂറോക്ക് നൽകിയ പരാതിയിൽ പറയുന്നു.

വായിക്കുക:  വർക്ക് ഫ്രം ഹോം സംസ്കാരം നഗരത്തിലെ തൊഴിലവസരങ്ങളെ ബാധിക്കുന്നു: മന്ത്രി

സുദീപിന്റെ പരാതിയുടെ അടിസ്ഥാനത്തിലാണ് വൈറ്റെഫീൽഡ് സൈബർ ക്രൈം സ്റ്റേഷനിലെ വനിതാ പോലീസ് ഇൻസ്‌പെക്ടർ രേണുക, സബ് ഇൻസ്‌പെക്ടർമാരായ നവീൻ, ഗണേഷ്, കോൺസ്റ്റബിൾ ഹേമന്ത് എന്നിവർക്കെതിരെ ബെംഗളൂരു അഴിമതി വിരുദ്ധ ബ്യൂറോ (എ.സി.ബി) കേസ് എടുത്തത്.

[] "ബെംഗളൂരുവാർത്ത"വാട്സ് ആപ്പിൽ ലഭിക്കാൻ 8880173737 ലേക്ക് "Hi" അയക്കുക. വാർത്ത നൽകാൻ bvaartha@gmail.com ലേക്ക് അയക്കുക.

Written by 

Related posts

[metaslider id="72989"]