FLASH

കനത്ത മഴ; കൊടകിൽ കോടികളുടെ നാശനഷ്ട്ടം

ബെംഗളൂരു: സംസ്ഥാനത്ത് പെയ്യുന്ന കനത്ത മഴ കാരണം കൊടക് ജില്ലയിൽ വൻ നാശനഷ്ടം. ദിവസങ്ങളായി പെയ്യുന്ന കനത്ത മഴയിൽ പലയിടങ്ങളിലും മണ്ണിടിച്ചിൽ ഉണ്ടാകുകയും ഒരാൾ മരിക്കുകയും ചെയ്തു. ഇതുവരെ ഏകദേശം 52.39 കോടി രൂപയുടെ നാശനഷ്ട്ടം കൊടകിൽ ഉള്ളതായി കണക്കാക്കുന്നു. കൊടക് ജില്ലയുടെ ചുമതലയുള്ള വി. ആൻബു ഐ.എ.എസിന്റെ നേതൃത്വത്തിൽ ചേർന്ന അവലോകന യോഗത്തിൽ ആണ് ജില്ലയുടെ നാശനഷ്ട്ട കണക്കുകൾ അറിയിച്ചത്.

മഴക്കെടുതി നേരിടാനുള്ള എല്ലാ തയ്യാറെടുപ്പുകളും ജില്ലാ ഭരണകൂടം ഒരുക്കിയതായി ഡെപ്യൂട്ടി കമ്മീഷണർ ചാരുലത സോമൾ അറിയിച്ചു. കനത്ത മഴയെ തുടർന്ന് ചെട്ടള്ളി-മടിക്കേരി റോഡ് മുർനാഡ്-ഭാഗമണ്ഡല റോഡ് തുടങ്ങിയ റോഡുകളിൽ വെള്ളം കയറി.

[] "ബെംഗളൂരുവാർത്ത"വാട്സ് ആപ്പിൽ ലഭിക്കാൻ 8880173737 ലേക്ക് "Hi" അയക്കുക. വാർത്ത നൽകാൻ bvaartha@gmail.com ലേക്ക് അയക്കുക.

Written by 

Related posts

[metaslider id="72989"]