FLASH

നഗരത്തിൽ രോഗവ്യാപനം തടയാൻ പ്രത്യേക മാർഗനിർദേശങ്ങൾ പുറപ്പെടുവിച്ചു

ബെംഗളൂരു: നഗരത്തിൽ രോഗവ്യാപനം തടയാൻ പ്രത്യേക മാർഗനിർദേശങ്ങൾ പുറപ്പെടുവിച്ച് ബി.ബി.എം.പി.

വാണിജ്യ സ്ഥാപനങ്ങൾക്കുള്ള നിർദ്ദേശം

– കടകളിൽ സാമൂഹിക അകലം പാലിച്ചുവേണം വാങ്ങാനെത്തുന്നവരെ പ്രവേശിപ്പിക്കാൻ.

– ആളുകളെ പ്രവേശിപ്പിക്കുന്നതിന് ടോക്കൺ സംവിധാനം ഏർപ്പെടുത്തുന്നതും പരിഗണിക്കണം.

– അനാവശ്യമായി ഉപഭോക്താക്കൾ സാധനങ്ങളിൽ തൊടുന്നതും എടുക്കുന്നതും പ്രോത്സാഹിപ്പിക്കരുത്.

– തെരുവുകളിൽ ആൾക്കൂട്ടമുണ്ടാകുന്നതിനാൽ കടകളിലും മറ്റുസ്ഥാപനങ്ങളിലും ഇളവുകളോ മറ്റുസൗജന്യങ്ങളോ നൽകരുത്.

– നിർദേശങ്ങൾ ലംഘിക്കുന്നത് ശ്രദ്ധയിൽപ്പെട്ടാൽ കടയുടമയ്ക്കെതിരേ കേസെടുക്കുമെന്നും ബി.ബി.എം.പി. അറിയിച്ചു.

റെസിഡൻഷ്യൽ അസോസിയേഷനുകൾക്കുള്ള നിർദ്ദേശങ്ങൾ

– കുട്ടികളെ കൂട്ടമായി പുറത്ത് കളിക്കാൻ അനുവദിക്കരുത്

– ഒരറിയിപ്പ് ഉണ്ടാകുന്നത് വരെ സ്വിമ്മിങ് പൂളുകൾ ഉപയോഗിക്കരുത്.

– പിറന്നാൾ ഉൾപ്പെടെയുള്ള ആഘോഷങ്ങളും സംഘടിപ്പിക്കരുത്.

– പുതിയ മാർഗനിർദേശങ്ങൾ പാലിക്കുന്നുണ്ടെന്ന് അതത് റെസിഡൻഷ്യൽ അസോസിയേഷനുകൾ ഉറപ്പ്‌ വരുത്തണം

നഗരത്തിലെ പാർക്കുകളിൽ വരുന്നവർ

– കളിസ്ഥലങ്ങളിലും പാർക്കുകളിലും കുട്ടികൾ കൂട്ടമായി കളിക്കുന്നതിന് വിലക്ക്.

– നടക്കാനിറങ്ങുമ്പോൾ വിവിധയിടങ്ങളിൽ കൂടിനിന്ന് സംസാരിക്കുന്നത് ഒഴിവാക്കേണ്ടതാണ്.

– പാർക്കുകളിൽ നടക്കാനിറങ്ങുന്നവർ നിർബന്ധമായും മുഖാവരണം ധരിക്കണം.

– രാവിലെയും വൈകീട്ടും പാർക്കുകളിലും തടാകങ്ങളോടുചേർന്ന പ്രദേശങ്ങളിലും പരിശോധന നടത്താൻ മാർഷൽമാരെ നിയോഗിച്ചു.

ഓട്ടോറിക്ഷകളിൽ കയറുന്നവർക്ക്

– മുഖാവരണമില്ലാത്ത യാത്രക്കാരെ ഓട്ടോയിൽ കയറാൻ ഡ്രൈവർമാർ അനുവദിക്കരുത്.

– ഡ്രൈവർമാർ എത്രയുംവേഗം രണ്ടുഡോസ് വാക്സിനുകളും സ്വീകരിക്കണം.

– പരമാവധി രണ്ടുയാത്രക്കാരെ മാത്രമേ കയറ്റാൻ അനുമതിയുള്ളൂ.

– യാത്രക്കാരുടെയും ഡ്രൈവറുടെയും കാബിനുകൾ പ്ലാസ്റ്റിക് ഷീറ്റുപയോഗിച്ച് വേർതിരിക്കണം.

– യാത്രകഴിഞ്ഞാൽ അണുനശീകരണം നടത്തിയതിനുശേഷമേ വീണ്ടും യാത്രക്കാരെ കയറ്റാൻ അനുമതിയുള്ളൂ.

ഹോസ്റ്റലുകൾക്കും പേയിങ് ഗസ്റ്റ് സ്ഥാപനങ്ങൾക്കുമുള്ള നിർദ്ദേശം

– 115 ചതുരശ്ര അടി വിസ്തീർണമുള്ള മുറിയിൽ പരമാവധി രണ്ടുപേർക്കാണ് താമസിക്കാൻ അനുമതി.

– ഹോസ്റ്റലിലും പേയിങ് ഗസ്റ്റ് സ്ഥാപനങ്ങളിലും (പി.ജി.കൾ) കഴിയുന്ന വിദ്യാർഥികൾ ക്ലാസില്ലെങ്കിൽ ഹോസ്റ്റലിൽ തുടരരുത്.

– പി.ജി.ഉടമകളും ഹോസ്റ്റലുകളും വിദ്യാർഥികളെ നിർബന്ധപൂർവം ഇറക്കിവിടരുത്.

– വിദ്യാർഥികളെ നിർബന്ധപൂർവം ഇറക്കിവിടുന്ന സംഭവങ്ങൾ ശ്രദ്ധയിൽപ്പെട്ടാൽ കർശന നടപടിയുണ്ടാകും

"ബെംഗളൂരുവാർത്ത"വാട്സ് ആപ്പിൽ ലഭിക്കാൻ 8880173737 ലേക്ക് "Hi" അയക്കുക. വാർത്ത നൽകാൻ bvaartha@gmail.com ലേക്ക് അയക്കുക.

Related posts