fbpx
FLASH

നഗരത്തിൽ ആവശ്യത്തിന് കോവിഡ് വാക്സിൻ സ്റ്റോക്കുണ്ട്: ബി.ബി.എം.പി

ബെംഗളൂരു: നഗരത്തിൽ കോവിഡ് വാക്സിൻ മതിയായ സ്റ്റോക്കുണ്ടെന്ന് ബൃഹത്‌  ബെംഗളൂരു മഹാനഗര പാലികെ (ബിബിഎംപി) ചീഫ് കമ്മീഷണർ ഗൗരവ് ഗുപ്ത തിങ്കളാഴ്ച അവകാശപ്പെട്ടു.

നഗരത്തിലെ കോവിഡ് 19 വാക്സിനേഷന്റെ പുരോഗതി അവലോകനം ചെയ്ത് സംസാരിക്കുകയായിരുന്നു അദ്ദേഹം.

53,400 ഡോസ് കോവാക്സിൻ ഇപ്പോൾ ലഭ്യമാണ്. 18 നും 44 നും ഇടയിൽ പ്രായമുള്ളവർക്കായി 25,140 ഡോസും 45 വയസ്സിനും അതിനുമുകളിലും പ്രായമുള്ളവർക്കായി 45,860 ഡോസും കോവിഷീൽഡ് വാക്സിനും ലഭ്യമാണെന്ന് ഗുപ്ത പറഞ്ഞു.

45 വയസും അതിൽ കൂടുതലുമുള്ള ഗുണഭോക്താക്കളെ കണ്ടെത്താൻ ബി ബി എം പി വീടുതോറുമുള്ള സർവേ ആരംഭിച്ചു. രണ്ടാമത്തെ ഡോസ് ലഭിക്കേണ്ട ഗുണഭോക്താക്കളെയും ബി ബി എം പി ബന്ധപ്പെടുന്നുണ്ട് എന്നും ഗുപ്ത പറഞ്ഞു.

ഇന്നുവരെ, ബി ബി എം പി 34.68 ലക്ഷത്തിലധികം വാക്സിനുകൾ നൽകിയിട്ടുണ്ട്, അതിൽ 6.13 ലക്ഷം രണ്ടാമത്തെ ഡോസും ഉൾപ്പെടുന്നുണ്ട് എന്നും അദ്ദേഹം അറിയിച്ചു.

Follow Us

Follow us on Facebook Follow us on Twitter Contact us on WhatsApp

Related posts