FLASH

നഗരത്തിൽ സ്പുട്‌നിക് വാക്‌സിൻ നൽകാനൊരുങ്ങുന്നു

ബെംഗളൂരു: നഗരത്തിൽ സ്പുട്‌നിക് വാക്‌സിൻ ഈ മാസം തന്നെ നൽകാനൊരുങ്ങുന്നു. റഷ്യയുടെ കോവിഡ് പ്രതിരോധ വാക്സിനായ സ്പുട്‌നിക്‌ ജൂൺ അവസാനത്തോടെ മണിപ്പാൽ ആശുപത്രിയിൽ വിതരണം ആരംഭിക്കും.

മൈനസ് 18 ഡിഗ്രിയിൽ സൂക്ഷിക്കേണ്ട സ്പുട്‌നിക് വാക്സിനുവേണ്ടി ശീതീകരണ സംവിധാനം സജ്ജമാക്കിയിട്ടുണ്ടെന്ന് മണിപ്പാൽ ആശുപത്രി അധികൃതർ അറിയിച്ചു. ഇന്ത്യയിൽ സ്പുട്‌നിക് വാക്സിൻ നിർമിച്ച് വിതരണം ചെയ്യുന്നതിന് അനുമതി ലഭിച്ച ഹൈദരാബാദിലെ ഡോ. റെഡ്ഡീസ് ലബോറട്ടറീസുമായി സഹകരിച്ചാണ് വാക്സിൻ വിതരണം.

ചില നഗരങ്ങളിൽ അപ്പോളോ ആശുപത്രിയും സ്പുട്‌നിക് വാക്സിൻ വിതരണം ചെയ്യുന്നുണ്ട്. എന്നാൽ ആദ്യഘട്ടത്തിൽ കുറഞ്ഞതോതിൽ വിവിധ സംസ്ഥാനങ്ങളിൽ വാക്സിൻ ലഭ്യമാക്കുന്നതിന്റെ ഭാഗമായാണ് ഡോ. റെഡ്ഡീസ് ലബോറട്ടറീസ് മണിപ്പാൽ ആശുപത്രിക്കും ഇത് നൽകുന്നത്.

"ബെംഗളൂരുവാർത്ത"വാട്സ് ആപ്പിൽ ലഭിക്കാൻ 8880173737 ലേക്ക് "Hi" അയക്കുക. വാർത്ത നൽകാൻ bvaartha@gmail.com ലേക്ക് അയക്കുക.

Related posts