fbpx
FLASH

ഇന്ത്യയിലെ തങ്ങളുടെ എല്ലാ ജീവനക്കാര്‍ക്കും സൗജന്യ വാക്‌സിൻ; എം.ജി. മോട്ടോർ

ന്യൂഡൽഹി: ഇന്ത്യയിലെ തങ്ങളുടെ എല്ലാ ജീവനക്കാര്‍ക്കും സൗജന്യ കോവിഡ് വാക്‌സിൻ നൽകി തുടങ്ങിയതായി എം.ജി. മോട്ടോർ.

ചൈനീസ് വാഹന നിര്‍മ്മാതാക്കളായ എം ജി മോട്ടോര്‍ ഇന്ത്യ ഹാലോളിലെ നിര്‍മാണശാല, ഗുരുഗ്രാമിലെ കോര്‍പറേറ്റ് ഓഫിസുകളിലെയും വിവിധ മേഖലാ ഓഫിസുകളിലെയും ജീവനക്കാരുടെ വാക്സീനേഷൻ തുടങ്ങിയതായി റിപ്പോർട്ട്.

സാമൂഹിക സേവന വിഭാഗമായ എം ജി സേവന മുഖേന താല്‍പര്യമുള്ള ജീവനക്കാര്‍ക്ക്, പ്രായഭേദമന്യെ വാക്സീന്‍ സ്വീകരിക്കാനുള്ള അവസരമാണു നൽകിയിരിക്കുന്നത്.

നാനൂറിലേറെ ജീവനക്കാര്‍ക്ക് വാക്സീനേഷന്റെ ആദ്യ നാളില്‍ തന്നെ വാക്സീന്‍ വിതരണം ചെയ്‍ത് കഴിഞ്ഞെന്നും റിപ്പോര്‍ട്ടുകള്‍ ഉണ്ട്. പ്രാദേശികതലത്തിലെ ആശുപത്രികളുമായി സഹകരിച്ചാണ് ജീവനക്കാര്‍ക്ക് എം ജി മോട്ടോര്‍ ഇന്ത്യ കോവിഡ് 19 വാക്സീന്‍ ലഭ്യമാക്കുന്നത്.

കമ്പനിയിലെ സ്ഥിരം ജീവനക്കാര്‍ക്കു മാത്രമല്ല കരാര്‍ ജീവനക്കാര്‍ക്കും വാക്സീന്‍ ലഭ്യമാക്കുമെന്നാണ് പുറത്ത് വരുന്ന റിപ്പോര്‍ട്ടുകള്‍.

Follow Us

Follow us on Facebook Follow us on Twitter Contact us on WhatsApp

Related posts