FLASH

വിവാദ നായകൻ മുൻ മന്ത്രി രമേശ് ജാർക്കിഹോളിക്ക് കോവിഡ് 19 പോസിറ്റീവ് സ്ഥിരീകരിച്ചു.

സംസ്ഥാന രാഷ്ട്രീയത്തെ പിടിച്ചുകുലുക്കിയ സി ഡി വിവാദത്തിൽ ഉൾപ്പെടുന്നു എന്ന് ആരോപിക്കപ്പെടുന്ന കർണാടക മുൻ മന്ത്രി രമേശ് ജാർക്കിഹോളിക്ക് കോവിഡ് 19 പോസിറ്റീവ് സ്ഥിരീകരിച്ചു. മുൻ മന്ത്രി ഇപ്പോൾ ഗോകക് താലൂക്ക് ആശുപത്രിയിൽ ചികിത്സയിലാണെന്ന് ചികിത്സ ചുമതലയുള്ള ഡോക്ടർ അറിയിച്ചു.

വ്യാഴാഴ്ച രാത്രി പനി, ചുമ എന്നിവ അനുഭവപ്പെട്ടിരുന്നു. ആന്റിജൻ പരിശോധന നടത്തിയപ്പോൾ ഫലം പോസിറ്റീവ് ആയി. മറ്റ് പ്രശ്‌നങ്ങളൊന്നും ഇല്ലാത്തതിനാൽ രോഗിയോട്  വീട്ടിൽ ഐസൊലേഷനിൽ പോകാൻ നിർദ്ദേശിച്ചു,  എന്നാൽ ഇന്നലെ രാത്രി പത്തരയോടെ അദ്ദേഹത്തിന് ശ്വാസതടസം അനുഭവപ്പെട്ടതിനെ തുടർന്ന് ആശുപത്രിയിൽ അഡ്മിറ്റ് ചെയ്തുഎന്ന് ഗോകക് താലൂക്ക് ആശുപത്രിയിലെ ഡോ. രവീന്ദ്ര പറഞ്ഞു.

ഷുഗറും ബിപിയും അൽപ്പം ഉയർന്നിരിക്കുന്നുണ്ട്”, എന്ന് ഡോക്ടർ പറഞ്ഞു. രമേശ് ജാർക്കിഹോളി നിലവിൽ ഐസിയുവിലാണ്. ഡോക്ടറുടെ നിർദ്ദേശ പ്രകാരം കോവിഡ് ടെസ്റ്റ് എടുത്ത രോഗിയുടെ  രണ്ട് കോൺടാക്റ്റുകൾക്കും പോസിറ്റീവ്സ്ഥിരീകരിച്ചിട്ടുണ്ട്. മഹാരാഷ്ട്രയിലേക്കും ബെംഗളൂരുവിലേക്കും മുൻ മന്ത്രി അടുത്ത് യാത്രചെയ്തിട്ടുണ്ടായിരുന്നു.

Related posts