FLASH

പോലീസ് പക്ഷപാതം കാണിക്കുന്നു; സി ഡി വിവാദത്തിലെ പരാതിക്കാരി പോലീസിനെതിരെ.

ബെംഗളൂരു: ബിജെപി എം‌എൽ‌എയും മുൻ മന്ത്രിയുമായ രമേശ് ജാർക്കിഹോളി ഉൾപ്പെട്ടതായി പറയുന്ന ലൈംഗിക വീഡിയോയിലെ യുവതി, പോലീസ് പക്ഷപാതം കാണിക്കുന്നതായി ആരോപിച്ചു.

യുവതി ബെംഗളൂരു പോലീസ് കമ്മീഷണർ കമൽ പന്തിന് അയച്ച കത്തിൽ പാരാതിക്കാരിയായ തന്നെ പലതവണ ചോദ്യം  ചെയ്തിട്ടുണ്ടെന്നും എന്നാൽ പ്രതിയെ ഒരു തവണ മാത്രമേ ചോദ്യം ചെയ്തിട്ടുള്ളൂവെന്നും, അതും മൂന്ന്മണിക്കൂർ മാത്രമാണെന്നും പറയുന്നു.

ഇത് മുഴുവൻ കണ്ടതിന് ശേഷം, ഞാൻ ഇരയാണോ പ്രതിയാണോ എന്ന് എനിക്ക് സംശയമുണ്ട്, ” എന്ന് യുവതി കത്തിൽ  പറഞ്ഞു. പ്രസ്തുത കത്ത്  സോഷ്യൽ മീഡിയയിൽ പിന്നീട് പരസ്യപ്പെടുത്തിയിട്ടുണ്ട്.

മൂന്ന് മണിക്കൂറോളം മാത്രമാണ് എസ്‌ഐ‌ടി പ്രതിയെ ചോദ്യം ചെയ്തതെന്നും യാതൊരു ഉപാധികളും ചോദ്യം ചെയ്യലുകളും  നിയന്ത്രണങ്ങളുമില്ലാതെ പ്രതിയെ പുറത്തു കറങ്ങാൻ  വിട്ടിരിരിക്കുകയാണെന്നും അതെ സമയം താൻ നിരന്തരമായി ചോദ്യം  ചെയ്യലിന് വിധേയയായിക്കൊണ്ടിരിക്കുകയാണ് എന്നും അവർ പറഞ്ഞു.

Related posts