FLASH

ഒരു മാസത്തിനിടക്ക് നഗരത്തിൽ മൂന്നാമത്തെ കോവിഡ് ക്ലസ്റ്റർ;ബെല്ലന്തൂരിലെ അപ്പാർട്ട്മെൻറ് കോംപ്ലക്സിലെ ബ്ലോക്കുകൾ സീൽ ചെയ്തു.‌

ബെംഗളൂരു : ഒരിടവേളക്ക് ശേഷം നഗരത്തിൽ കോവിഡ് രോഗ ബാധിതരുടെ എണ്ണം വർദ്ധിക്കുന്നു.

ഒരു മാസത്തിനിടക്ക് ബി.ബി.എം.പിയുടെ മൂന്നാമത്തെ കോവിഡ് ക്ലസ്റ്റർ പ്രഖ്യാപനം.

മുൻപ് ആർ.ടി.നഗറിലെ നഴ്സിംഗ് കോളേജിലെ മലയാളികൾ ഉൾപ്പെടെ നാൽപ്പതിലേറെ പേർക്ക് കോവിഡ് സ്ഥിഥിരീകരിച്ചിരുന്നു, ബിലേക്കഹള്ളിയിലെ ഒരു അപ്പാർട്ട്മെൻ്റിലെ 100 ലേറെ പേർക്കും അസുഖം സ്ഥിരീകരിച്ചിരുന്നു.

കഴിഞ്ഞ ദിവസം ബെല്ലന്തൂരിലെ അപ്പാർട്ട്മെൻ്റ് സമുച്ചയത്തിലെ 20 പേർക്കാണ് രോഗബാധ സ്ഥിരീകരിച്ചത്, ഇവിടെ കണ്ടെയിൻമെൻ്റ് സോൺ ആയി പ്രഖ്യാപിച്ചു.

9 ബ്ലോക്കുകളിലായി 1500 ഓളം ആളുകൾ താമസിക്കുന്ന ഇവിടെ 6 ബ്ലോക്കുകൾ ആണ് സീൽ ചെയ്തത്.

1000 ൽ അധികം സാമ്പിളുകൾ പരിശോധനക്ക് അയച്ചിട്ടുണ്ട് അതിൽ 544 ഫലങ്ങൾ കൂടി ലഭിക്കാനുണ്ടെന്ന് ബി.ബി.എം.പി.കമ്മീഷണർ മഞ്ജുനാഥ പ്രസാദ് അറിയിച്ചു.

9 മൊബൈൽ പരിശോധന യൂണിറ്റുകളും ഇവിടെ സജ്ജീകരിച്ചിരുന്നു.

Related posts