FLASH

ബിനീഷ് കോടിയേരിയുടെ ജുഡീഷ്യൽ കസ്റ്റഡി വീണ്ടും നീട്ടി.

ബെംഗളൂരു : കള്ളപ്പണം വെളുപ്പിക്കൽ കേസിൽ അറസ്റ്റിലായി നഗരത്തിലെ പാരപ്പന അഗ്രഹാര ജയിലിൽ കഴിയുന്ന കേരള മുൻ ആഭ്യന്തര മന്ത്രി കോടിയേരി ബാലകൃഷ്ണൻ്റെ ഇളയ മകൻ ബിനീഷ് കോടിയേരിയുടെ ജുഡീഷ്യൽ കസ്റ്റഡി ബെംഗളൂരുവിലെ പ്രത്യേക കോടതി ഈ മാസം 12 വരെ നീട്ടി.

ബിനീഷിന്റെ കസ്റ്റഡി കാലാവധി കഴിഞ്ഞതിനാൽ വീഡിയോ കോൺഫറൻസ് വഴിയാണ് കോടതിയിൽ ഹാജരാക്കിയത്.

അതേ സമയം ബിനീഷിൻ്റെ ജാമ്യാപേക്ഷയിൽ എൻഫോഴ്‌സ്‌മെന്റ് ഡയറക്ടറേറ്റ് എതിർവാദം ഉന്നയിച്ചതോടെ അതിൻ്റെ വാദം തുടരുകയാണ്.

ലഹരി മരുന്നു കേസിൽ 2 മലയാളികൾ പിടിക്കപ്പെട്ടതോടെയാണ് ഇതുമായി ബന്ധപ്പെട്ട  സാമ്പത്തിക ഇടപാടിൽ ഒക്ടോബർ 29 ന് ബിനീഷ് കോടിയേരി എൻഫോഴ്‌സ്‌മെന്റ് ഡയറക്ടറേറ്റിൻ്റെ പിടിയിലാകുന്നത്.

Related posts