FLASH

പുതിയ കാര്‍ഷിക നിയമത്തിൽ പ്രതിഷേധിച്ച് റിപ്പബ്ലിക് ദിനത്തിൽ കർഷക റാലിക്ക് ആഹ്വാനം.

ബെംഗളൂരു: പുതിയ കാര്‍ഷിക നിയമങ്ങൾ പിൻവലിക്കണമെന്ന് ആവശ്യപ്പെട്ടുകൊണ്ട് ഡൽഹിയിൽ നടത്തിവരുന്ന കർഷക സമരത്തിന് പിന്തുണയായി റിപ്പബ്ലിക് ദിനത്തിൽ കർണാടകയിലെ കർഷക സംഘടനകൾ നഗരത്തിൽ കർഷക റാലിക്ക് ആഹ്വാനം നൽകി.

കർണാടക രാജ്യ റൈത്ത സംഘത്തിന്റെ യും ഹാസിരു സേനയുടെയും നേതാക്കൾ സംയുക്തമായി സംഘടിപ്പിച്ച പത്രസമ്മേളനത്തിലാണ് ഇക്കാര്യം അറിയിച്ചിരിക്കുന്നത്.

വായിക്കുക:  കൂടുതൽ സ്കൂൾ വിദ്യാർത്ഥികൾക്ക് പ്രതിദിന ക്ലാസുകൾ തുടങ്ങാൻ നിർദ്ദേശം.

ഡൽഹിയിൽ ജനുവരി 26ന് നടത്താനിരിക്കുന്ന ട്രാക്ടർ റാലിക്ക് പിന്തുണ നൽകാൻ നിലമംഗലനിന്നും ബംഗളൂരുവിലേക്ക് ട്രാക്ടർ റാലി സംഘടിപ്പിക്കും എന്നും സംഘടനയുടെ നേതാവ് കോടി ഹള്ളി ചന്ദ്രശേഖർ അറിയിച്ചു.

25000 കർഷകരും 10000 ട്രാക്ടറുകളും റാലിയിൽ പങ്കെടുക്കുമെന്നും നിലമംഗല നിന്നും യശ്വന്തപുര മല്ലേശ്വരം വഴി ഫ്രീഡം പാർക്കിലേക്ക് റാലി നടത്തുമെന്നും ആണ് അറിയിച്ചിരിക്കുന്നത്.

Related posts