FLASH

നഗരത്തിൽ പെയ്ത ശക്തമായ മഴയിൽ റോഡുകൾ പുഴയായി (വീഡിയോ)

ബെംഗളൂരു: നഗരത്തിൽ ശക്തമായ മഴ തുടരുന്നു. ഇന്നലെയും ശക്തമായി മഴ പെയ്തതോടെ റോഡുകളിലും താഴ്‌ന്ന പ്രദേശങ്ങളിലും വെള്ളം പൊങ്ങി. പല റോഡുകളും പുഴയായി മാറി.

അഴുക്കുചാലുകളും കനാലുകളും കരകവിഞ്ഞ് വെള്ളം റോഡിലേക്കു കയറിയതോടെ പലയിടങ്ങളിലും ഗതാഗതക്കുരുക്കനുഭവപ്പെട്ടു. ഹൊസകേരഹള്ളി, എം.ജി. റോഡ്, ഓസ്റ്റിൻടൗൺ, വിവേക്‌നഗർ, കോറമംഗല, ശാന്തിനഗർ തുടങ്ങിയ സ്ഥലങ്ങളിൽ ഏറെ നേരം റോഡുകളിൽ വാഹനങ്ങൾക്കു മുന്നോട്ടുപോകാൻ പറ്റാത്ത അവസ്ഥയായിരുന്നു.

വായിക്കുക:  ബിഹാറില്‍ കരുത്ത് തെളിയിച്ച് ഇടതുപക്ഷ പാര്‍ട്ടികള്‍

കോറമംഗല, ബൊമ്മനഹള്ളി തുടങ്ങിയ സ്ഥലങ്ങളിൽ വീടുകളിലും അപ്പാർട്ടുമെന്റുകളിലും വെള്ളം കയറി. അഴുക്കുചാൽ കരകവിഞ്ഞ് മലിനജലമാണ് പലയിടങ്ങളിലും കയറിയത്. റോഡരികിൽ നിർത്തിയിട്ടിരുന്ന വാഹനങ്ങൾ പലതും ഭാഗികമായി മുങ്ങി.

വായിക്കുക:  സിബിഎസ്ഇ 10, 12 ക്ലാസുകളിലെ പരീക്ഷകൾ റദ്ദാക്കില്ല

പലയിടങ്ങളിലും മരങ്ങൾ റോഡിലേക്കു വീണു. റോഡരികിൽ നിർത്തിയിട്ടിരുന്ന വാഹനങ്ങൾക്കു മുകളിലേക്കും മരങ്ങൾ വീണ് നാശനഷ്ടമുണ്ടായി. കഴിഞ്ഞ കുറച്ചുദിവസങ്ങളായി നഗരത്തിന്റെ പലഭാഗങ്ങളിലും ശക്തമായി മഴപെയ്തു വരികയാണ്. വരും ദിവസങ്ങളിലും നഗരത്തിൽ മഴ പെയ്യുമെന്ന് കാലാവസ്ഥാ നിരീക്ഷണ കേന്ദ്രം മുന്നറിയിപ്പ് നൽകി.

Related posts