FLASH

ഗ്രാമങ്ങളിലെ എ.ടി.എം.കൌണ്ടറുകളില്‍ പണമെടുക്കാന്‍ വരുന്നവരെ പറ്റിച്ച് തുടര്‍ച്ചയായി പണം തട്ടിയ യുവാവ്‌ പിടിയില്‍.

ബെംഗളൂരു: ഗ്രാമ മേഖലകളില്‍ പണം എടുക്കാന്‍ വരുന്ന സാധാരണക്കാരായ ആളുകളെയും കര്‍ഷകരെയും പറ്റിച്ച് തുടര്‍ച്ചയായി പണം തട്ടിയെടുത്ത യുവാവ്‌ അറസ്റ്റില്‍.

എ.ടി.എം കൌണ്ടറില്‍ എത്തുന്ന ആളുകളെ സഹായിക്കാന്‍ എന്നാ വ്യാജേന അടുത്ത് കൂടുകയും എ ടി എം കാര്‍ഡിന്റെ നമ്പരും പിന്‍ നമ്പരും കൈക്കലാക്കിയതിന് ശേഷം വ്യാജ കാര്‍ഡ്‌ ഉണ്ടാക്കി പണം പിന്‍വലിക്കുകയുമായായിരുന്നു ഇയാളുടെ രീതി.

വായിക്കുക:  പണിമുടക്ക്: നാട്ടിലേക്കുള്ള കെ.എസ്.ആർ.ടി.സി.യുടെ രണ്ടു സർവീസുകൾ മുടങ്ങും

ബാഗല്‍കുണ്ടെയിലെ അരുണ്‍ കുമാറി(32)നെ യാണ് പോലീസ് അറസ്റ്റ് ചെയ്തത്.

ഇതുവരെ 6 പേരെ പറ്റിച്ച് 1.6 ലക്ഷം രൂപ തട്ടിയെടുത്തു എന്ന് കണ്ടെത്തിയിട്ടുണ്ട്.

തുമുക്കൂരു ജില്ലയില്‍ സമാനമായ തട്ടിപ്പ് നടത്തുകയും പിടിക്കപ്പെട്ടതിന് ശേഷം ജാമ്യത്തില്‍ ഇറങ്ങുകയും ചെയ്ത അരുണ്‍ വീണ്ടും തട്ടിപ്പ് നടത്തുകയായിരുന്നു എന്ന് പോലീസ് അറിയിച്ചു.

Related posts