FLASH

ഇന്ദിരാ കാൻ്റീനിൽ നിന്ന് ഈ ഭക്ഷണവും പുറത്ത്.

ബെംഗളൂരു : സാധാരണക്കാരന് പാചകം ചെയ്ത ഭക്ഷണം 3 നേരവും കുറഞ്ഞ നിരക്കിൽ ലഭ്യമാക്കുക എന്ന ഉദ്ദേശത്തോടെ സിദ്ധരാമയ്യ സർക്കാറിൻ്റെ കാലത്ത് സംസ്ഥാനത്ത് തുടങ്ങിയ പദ്ധതിയാണ് ഇന്ദിരാ കാൻ്റീൻ.

എന്നാൽ ഇന്ദിരാ കാൻ്റീനിലെ പ്രധാന വിഭവമായിരുന്ന ഇഡ്ഡലി ഇനി കുറെക്കാലത്തേക്ക് ലഭിച്ചേക്കില്ല.

ഭക്ഷണ വിതരണത്തിനു പുതിയ കരാർ നൽകിയതോടെ ഇന്ദിരാ കന്റീനുകളിൽ നിന്ന് ഇഡ്ഡലി പുറത്തായത്.

വായിക്കുക:  പ്രതിസന്ധി മറികടക്കാൻ വാടക നിരക്ക് കുത്തനെ കുറച്ച് പി.ജി ഉടമകൾ

പ്രഭാത ഭക്ഷണത്തിനു ബിബിഎംപി നിശ്ചയിച്ച എണ്ണം ഇഡ്ഡലിയുണ്ടാക്കാനുള്ള യന്ത്രം ലഭിക്കാത്തതാണ് പ്രശ്നമായത്.

ഇതിനു പുറമേ, ഭക്ഷണ വിതരണം ഏറ്റെടുത്ത പുതിയ ഏജൻസിക്ക് ബി.ബി.എം.പി.യുടെ അടുക്കളകൾ കൈമാറാത്തതും മറ്റൊരു തടസമായി നിൽക്കുന്നു.

40 ലക്ഷം രൂപ മുടക്കിയ പുതിയ യന്ത്രം അടുത്തു തന്നെലഭിക്കുമെന്നും ഇതോടെ പ്രശ്നം പരിഹരിക്കപ്പെടുമെന്നും ബി.ബി..എംപി കമ്മിഷണർ എൻ.മഞ്ജുനാഥ പ്രസാദ് പ്രത്യാശ പ്രകടിപ്പിച്ചു.

Related posts