FLASH

കോവിഡ് ഉണ്ടെന്ന വ്യാജേന ബൊമ്മനഹള്ളിയിൽ നിന്ന് ആംബുലൻസിൽ കടത്തിക്കൊണ്ടു പോയ യുവതി തിരിച്ചെത്തി.

ബെംഗളൂരു : ഏകദേശം 3 ആഴ്ച മുൻപാണ് ബൊമ്മനഹള്ളിയിലെ 28 കാരിയെ ആംബുലൻസിൽ കടത്തിക്കൊണ്ടു പോയ സംഭവം നടക്കുന്നത്.

“കോവിഡ് ബാധിച്ച്” ആശുപത്രിയിലേക്ക് ആംബുലൻസിൽ കൊണ്ടുപോയ യുവതിയെ കാണാതായതായി പരാതി; പോലീസ് അന്വേഷിച്ചപ്പോൾ കണ്ടെത്തിയത് ?

ഒരു ദിവസം 2 പേർ കോവിഡ് ടെസ്റ്റിന് വരികയും പിന്നീട് അടുത്ത ദിവസം പോസിറ്റീവ് ആണെന്ന് അറിയിച്ചു കൊണ്ട് ഇവർ തന്നെ ആംബുലൻസുമായി എത്തി യുവതിയെ കൂട്ടിക്കൊണ്ട് പോകുകയായിരുന്നു.

വായിക്കുക:  നാട്ടിൽനിന്ന് തമിഴ്നാട് വഴി ബെംഗളൂരുവിലേക്ക് വരുന്നവരുടെ ശ്രദ്ധയ്ക്ക്

തുടർന്ന് പോലീസിന് പരാതി ലഭിക്കുകയും അന്വേഷണത്തിൽ യുവതി ഡൽഹിയിലുണ്ടെന്ന് കണ്ടെത്തുകയായിരുന്നു. താൻ സ്വന്തം ഇഷ്ടപ്രകാരം വന്നതാണ് എന്ന് യുവതി അറിയിച്ചിരുന്നു.

ഭർത്താവിൻ്റേയും ഭർതൃസഹോദരിയുടേയും പീഡനം സഹിക്കവയ്യാതെ സുഹൃത്തുക്കളുടെ സഹായത്തോടെ നടത്തിയ നാടകമായിരുന്നു ഇതെന്ന് അഭിഭാഷകനോടൊപ്പം എത്തിയ യുവതി അറിയിച്ചു.

Related posts