FLASH

ഹാക്കർമാരേകൊണ്ട് രക്ഷയില്ല… ഉന്നത പോലീസ് ഉദ്യോഗസ്ഥൻമാർക്കും പണി കിട്ടി.

ബെംഗളൂരു : സംസ്ഥാനത്തെ ഉന്നത പോലീസ് ഉദ്യോഗസ്ഥൻമാരുടെ സോഷ്യൽ മീഡിയ അക്കൗണ്ടുകൾ ഹാക്ക് ചെയ്ത് പണം തട്ടുന്നതായി പരാതി.

ദിവസങ്ങൾക്ക് മുൻപ് ലോകായുക്ത എസ്.പി.സ്നേഹയുടെ ഫേസ് ബുക്ക് അക്കൗണ്ടിൽ നിന്ന് ഫ്രൻ്റ് ലിസ്റ്റിൽ ഉള്ളവർക്ക് പണം ആവശ്യപ്പെട്ടുള്ള സന്ദേശം ലഭിച്ചിരുന്നു.

അടിയന്തിരമായി പണം നൽകണം എന്നാവശ്യപ്പെട്ടുള്ള സന്ദേശത്തിനൊപ്പം അക്കൗണ്ട് നമ്പറും നൽകിയിരുന്നു, പലരും എസ്പിയെ നേരിട്ടു ബന്ധപ്പെട്ടതിന് ശേഷം നടത്തിയ അന്വേഷണത്തിലാണ് അക്കൗണ്ട് ഹാക്ക് ചെയ്തതാണ് എന്ന് മനസ്സിലാകുന്നത്.

വായിക്കുക:  കോവിഡ് പ്രതിരോധത്തിന് ആവശ്യമായ പണം കണ്ടെത്താൻ കർണാടകയുടെ വഴി; മറ്റ് സംസ്ഥാനങ്ങൾക്ക് മാതൃക.

മുൻപ് മൈസൂരു ട്രാഫിക്ക് എ.സി.പി.എൻ.എൻ.സന്ദേശ് കുമാറിൻ്റെ അക്കൗണ്ടിൽ നിന്ന് ഇത്തരം സന്ദേശം സുഹൃത്തുക്കൾക്ക് ലഭിച്ചിരുന്നു.

ആരും പണം നൽകരുത് എന്ന് പിന്നീട് അദ്ദേഹം സുഹൃത്തുക്കളെ അറിയിച്ചിരുന്നു.

വായിക്കുക:  ഇന്ന് 8344 പേര്‍ ആശുപത്രി വിട്ടു, 7012 പേര്‍ക്ക് പുതിയതായി കോവിഡ് സ്ഥിരീകരിച്ചു; കൂടുതൽ വിവരങ്ങൾ

 

Related posts