FLASH

രണ്ടു ദിവസം കൂടി മഴ തുടർന്നേക്കും; മഴക്കൊപ്പം മരം കോച്ചുന്ന തണുപ്പും; കിടിലൻ കാലാവസ്ഥയിലൂടെ നഗരം മുന്നോട്ട്…

ബെംഗളുരു : കോവിഡ് ഭീഷണി തുടരുമ്പോൾ തന്നെ മഴയും മഴക്കെടുതികളും നഗരത്തിൽ നിന്ന് വിട്ട് മാറിയിട്ടില്ല.

വരും ദിവസങ്ങളിലും ബെംഗളുരുവിൽ മഴ തുടർന്നേക്കുമെന്നാണ് പ്രവചനം.

അതോടെ താഴ്ന്ന പ്രദേശങ്ങളിൽ ജീവിക്കുന്നവർ വെള്ളപ്പൊക്ക ഭീതിയിലായി.

നാളെയും മറ്റന്നാളും ഇടിയോടു കൂടിയ മഴയ്ക്കും സാധ്യതയുണ്ട്.

മഴയ്ക്കൊപ്പം ബെംഗളുരുവിൽ തണുപ്പും കൂടി. ഞായറാഴ്ച താപനില 20 ഡിഗ്രിയിൽ താഴെയായിരുന്നു.

വായിക്കുക:  കൂട്ട ബലാത്സംഗം കൊലപാതകത്തേക്കാള്‍ ഭീകരം,വധശിക്ഷ ഉറപ്പാക്കണം:കര്‍ണാടക ഹൈക്കോടതി.

കാലാവസ്ഥാ നിരീക്ഷണകേന്ദ്രം പുറത്തു വിടുന്ന കണക്കനുസരിച്ച്, കാലവർഷം തുടങ്ങി ഇതുവരെ നഗരത്തിൽ 591മില്ലിമീറ്റർ മഴയാണ് ലഭിച്ചത്.

3 വർഷത്തിനിടെ ഇത്രയധികം മഴ ലഭിക്കുന്നത് ഇത് ആദ്യമായാണ്.

ഈ മാസം മാത്രം ലഭിച്ചത് 209 മില്ലിമീറ്റർ മഴയാണ്.

ഈ മാസം എട്ടിനുണ്ടായ കനത്ത മഴയിൽ നഗരത്തിലെ നിരവധി താഴ്ന്ന പ്രദേശങ്ങളിൽ വെള്ളം കയറിയിരുന്നു.

വായിക്കുക:  പ്രതിസന്ധി മറികടക്കാൻ വാടക നിരക്ക് കുത്തനെ കുറച്ച് പി.ജി ഉടമകൾ

മരം വീഴൽ, വൈദ്യുതി മുടക്കം, വെള്ള്ളപ്പൊക്കം, ഗതാഗതക്കുരുക്ക് തുടങ്ങിയ മഴക്കെടുതികൾ നേരിടാൻ  കൺട്രോൾ റൂം സജ്ജമാണെന്നു ബിബിഎംപി കമ്മിഷണർ അറിയിച്ചിട്ടുണ്ട്.

Related posts