FLASH

കോവിഡ് രോഗികളുടെ എണ്ണം കൂടുമ്പോൾ, നഗരത്തിലെ കണ്ടെയിൻമെൻ്റ് സോണുകളുടെ എണ്ണം കുറയുന്നു.

ബെംഗളൂരു: കോവിഡ് ബാധിതരുടെ എണ്ണം വർധിക്കുന്ന സാഹചര്യത്തിലും നഗരത്തിനു ആശ്വാസമായി കണ്ടൈൻമെന്റ് സോണുകളുടെ എണ്ണം കുറഞ്ഞു വരുന്നു.

ജൂൺ 25 ന് ബി ബി എം പി പ്രസിദ്ധീകരിച്ച ബുള്ളറ്റിൻ പ്രകാരം 512 ആക്റ്റീവ് കണ്ടൈൻമെന്റ് സോണുകളാണ് ബെംഗളൂരു നഗരത്തിൽ ഉണ്ടായിരുന്നത്.

എന്നാൽ ഇന്നലെ പ്രസിദ്ധീകരിച്ച പുതിയ ബുള്ളറ്റിൻ പ്രകാരം അത് 495 ആയി കുറഞ്ഞിട്ടുണ്ട്. 17 ആക്റ്റീവ് കണ്ടൈൻമെന്റ് സോണുകൾ സാധാരണ നിലയിലേക്ക് തിരിച്ചു വന്നതിനാലാണ് അകെ ആക്റ്റീവ് കണ്ടൈൻമെന്റ് സോണുകളുടെ എണ്ണത്തിൽ കുറവുണ്ടായത്.

65 കണ്ടൈൻമെന്റ് സോണുകളാണ് ഇതുവരെ സാധാരണഗതിയിലേക്ക് തിരിച്ചെത്തിയത്.

ബി ബി എം പി സൗത്ത് സോണിലാണ് ഏറ്റവും കൂടുതൽ ആക്റ്റീവ് കണ്ടൈൻമെന്റ് സോണുകളുള്ളത്. ദാസറഹള്ളി സോണിലാണ് ഏറ്റവും കുറവുള്ളത്.

നിലവിൽ ഏതെല്ലാം സ്ഥലങ്ങളാണ് ആക്റ്റീവ് കണ്ടൈൻമെന്റ് സോണുകൾ ഉള്ളതെന്ന വിവരങ്ങൾ ഇപ്പോഴും ബി ബി എം പി പുറത്തുവിടുന്നില്ല.

താങ്കളുടെ സ്ഥാപനം /സേവനം/ബ്രാൻ്റ് എന്നിവ കൂടുതൽ ബെംഗളൂരു മലയാളികളിൽ എത്തിക്കാൻ നിങ്ങൾ ആഗ്രഹിക്കുന്നുണ്ടോ... കുറഞ്ഞ മുതൽ മുടക്കിൽ കൂടുതൽ റീച്ച്... നഗരത്തിലെ ഏറ്റവും കൂടുതൽ പേർ വായിക്കുന്ന മലയാളം ന്യൂസ് പോർട്ടലിൽ പരസ്യം നൽകാൻ ബന്ധപ്പെടുക ..+91 8296704560

Related posts

error: Content is protected !!