FLASH

കണ്ഠീരവ ഇൻഡോർ സ്റ്റേഡിയം കോവിഡ് കെയർ കേന്ദ്രമാകില്ല; പകരം കോറമം​ഗല ഇൻഡോർ സ്റ്റേഡിയം.

ബെം​ഗളുരു; ന​​ഗരത്തിലെ കണ്ഠീരവ ഇൻഡോർ സ്റ്റേഡിയം കോവിഡ് കെയർ കേന്ദ്രമാക്കാനുള്ള ബൃഹത് ബെംഗളൂരു മഹാനഗര പാലികെയുടെ (ബി.ബി.എം.പി.) തീരുമാനം അവസാന നിമിഷം മാറ്റി. ഇതിനുപകരം കോറമം​ഗല ഇൻഡോർ സ്റ്റേഡിയമാണ് കോവിഡ് കെയർ കേന്ദ്രമാക്കുന്നത്.

കഴിഞ്ഞ ദിവസം രാവിലെ നൂറുകണക്കിന് കിടക്കകൾ കണ്ഠീരവ സ്റ്റേഡിയത്തിൽ ക്രമീകരിച്ചിരുന്നെങ്കിലും വൈകിട്ടോടെ ഇവ കോറമംഗല സ്റ്റേഡിയത്തിലേക്കു മാറ്റി. കണ്ഠീരവ സ്റ്റേഡിയം തത്കാലത്തേക്ക് കോവിഡ് കെയർ കേന്ദ്രമാക്കരുതെന്ന് നിയമനിർമാണ കൗൺസിൽ അംഗത്തിന്റെ അപേക്ഷ ലഭിച്ചുവെന്ന് ബി.ബി.എം.പി. കമ്മിഷണർ ബി.എച്ച് അനിൽകുമാർ പറഞ്ഞു. ഇൻഡോർ സ്റ്റേഡിയത്തിൽ കായിക പരിപാടികൾ നടത്തേണ്ടതിനാലാണ് ഇവിടെ നിന്നു മാറ്റണണെന്ന് അപേക്ഷ ലഭിച്ചത്. കോറമംഗല സ്റ്റേഡിയം സർക്കാരിന്റെ ലിസ്റ്റിൽ ഉണ്ടായിരുന്നെന്നും വ്യക്തമാക്കി.

എന്നാൽ കണ്ഠീരവ സ്റ്റേഡിയത്തിൽ ആവശ്യത്തിന് വാഷ്‌റൂം സൗകര്യങ്ങളില്ലാത്തതും കാരണമായെന്നാണ് സൂചന. നഗരത്തിൽ ആശുപത്രികളിലേതിനു പുറമേ നാലായിരത്തോളം കിടക്കകൾ ഒരുക്കാനുള്ള ശ്രമത്തിലാണെന്ന് ബി.ബി.എം.പി. ജോയന്റ് കമ്മിഷണർ സർഫറാസ് ഖാൻ ,വ്യക്തമാക്കി.

താങ്കളുടെ സ്ഥാപനം /സേവനം/ബ്രാൻ്റ് എന്നിവ കൂടുതൽ ബെംഗളൂരു മലയാളികളിൽ എത്തിക്കാൻ നിങ്ങൾ ആഗ്രഹിക്കുന്നുണ്ടോ... കുറഞ്ഞ മുതൽ മുടക്കിൽ കൂടുതൽ റീച്ച്... നഗരത്തിലെ ഏറ്റവും കൂടുതൽ പേർ വായിക്കുന്ന മലയാളം ന്യൂസ് പോർട്ടലിൽ പരസ്യം നൽകാൻ ബന്ധപ്പെടുക ..+91 8296704560

Written by 

Related posts

error: Content is protected !!