FLASH

ഏതാനും മണിക്കൂറുകൾ ഓൺലൈൻ ക്ലാസ് അനുവദിച്ചുകൂടെ: സർക്കാറിനെ രൂക്ഷമായി വിമർശിച്ച് ഹൈക്കോടതി.

ബെംഗളൂരു: സ്കൂളുകൾ തുറക്കാൻ വൈകുന്ന സാഹചര്യത്തിൽ വിദ്യാർഥികൾക്ക് ഏതാനും മണിക്കൂറുകൾ ഓൺലൈൻക്ലാസുകൾ അനുവദിക്കുന്ന കാര്യം സർക്കാറിന് പരിഗണിച്ചു കൂടെ എന്ന് കർണാടക ഹൈക്കോടതി.

സ്കൂളുകളിൽ ഓൺലൈൻക്ലാസ് നൽകാൻ തയ്യാറാണ്,

ഇനി വിദ്യാർഥികൾക്ക് താത്‌പര്യവുമുണ്ടെങ്കിൽ സർക്കാരിന് എന്താണ് പ്രശ്നമെന്നും ഹൈക്കോടതി.

ശരിയായ നടപടിക്രമമല്ല സർക്കാർ സ്വീകരിക്കുന്നതെന്നും കോടതി വിമർശിച്ചു.

എൽ.കെ.ജി.മുതൽ അഞ്ചാം ക്ലാസ് വരെ ഓൺലൈൻക്ലാസുകൾ നിരോധിച്ചുള്ള സർക്കാർ ഉത്തരവ് ചോദ്യംചെയ്ത് നൽകിയ പൊതുതാത്‌പര്യ ഹർജിയിലാണ് കോടതിയുടെ പ്രതികരണം.

ചീഫ് ജസ്റ്റിസ് അഭയ് ശ്രീനിവാസ് ഓക, ജസ്റ്റിസ് നടരാജ് രംഗസ്വാമി എന്നിവരടങ്ങിയ ഡിവിഷൻ ബെഞ്ചാണ് ഹർജി പരിഗണിച്ചത്.

നിംഹാൻസ് വിദഗ്‌ധകമ്മിറ്റിയുടെ ശുപാർശയുടെ അടിസ്ഥാനത്തിലാണ് തീരുമാനമെന്നും പത്തുവയസ്സിന് താഴെയുള്ള കുട്ടികൾക്ക് ഒരു മണിക്കൂറിൽ കൂടുതൽ ഓൺലൈൻ സ്‌ക്രീൻ നൽകരുതെന്നാന്ന് ലോകാരോഗ്യസംഘടനയുടെ മാർഗനിർദേശമെന്നും സർക്കാർ ഹൈക്കോടതിയെ ബോധിപ്പിച്ചു.

താങ്കളുടെ സ്ഥാപനം /സേവനം/ബ്രാൻ്റ് എന്നിവ കൂടുതൽ ബെംഗളൂരു മലയാളികളിൽ എത്തിക്കാൻ നിങ്ങൾ ആഗ്രഹിക്കുന്നുണ്ടോ... കുറഞ്ഞ മുതൽ മുടക്കിൽ കൂടുതൽ റീച്ച്... നഗരത്തിലെ ഏറ്റവും കൂടുതൽ പേർ വായിക്കുന്ന മലയാളം ന്യൂസ് പോർട്ടലിൽ പരസ്യം നൽകാൻ ബന്ധപ്പെടുക ..+91 8296704560

Related posts

error: Content is protected !!