FLASH

സംസ്ഥാനത്തെ 22 സർക്കാർ സ്കൂളുകളിൽ ഹൈടെക്ക് ക്ലാസ് മുറികൾ;ആദ്യഘട്ടം മല്ലേശ്വരത്ത്.

ബെംഗളൂരു: സംസ്ഥാനത്തെ 22 സർക്കാർ സ്കൂളുകളിൽ ഹൈടെക്ക് ക്ലാസ് മുറികൾ ഒരുക്കാൻ പദ്ധതി.

ഇതിന്റെ ആദ്യഘട്ടമായി മല്ലേശ്വരത്തെ അഞ്ച് സർക്കാർ സ്കൂളുകളിൽ ഇ- ലേണിങ്ങ് പദ്ധതി തുടങ്ങി.

സന്നദ്ധ സംഘടനയായ ശിക്ഷണ ഫൗണ്ടേഷനുമായിചേർന്നാണ് പദ്ധതി നടപ്പാക്കുന്നത് എന്ന് ഉപമുഖ്യമന്ത്രി അശ്വഥ് നാരായണ അറിയിച്ചു.

കംപ്യൂട്ടർ ഉൾപ്പെടെയുള്ള സാങ്കേതിക വിദ്യ ഉപയോഗിക്കുന്നതിൽ അറിവില്ലാത്തത് സർക്കാർ സ്‌കൂളിൽ പഠിക്കുന്ന വിദ്യാർഥികൾക്ക് ഉപരിപഠനം നടത്തുന്നതിന് തടസ്സമാകുന്നുണ്ട്.

ഇ- ലേണിങ് പദ്ധതി നടപ്പാക്കുന്നതോടെ ഇത്തരം പ്രശ്നങ്ങൾ ഒരു പരിധിവരെ പരിഹരിക്കാൻ കഴിയുമെന്നാണ് സർക്കാരിന്റെ പ്രതീക്ഷ.

ഒരോ ക്ലാസ്മുറികളിലും ഇ- ലേണിങ് സംവിധാനമൊരുക്കാൻ ഭാരിച്ച ചെലവുവരും.

ഈ സാഹചര്യത്തിലാണ് സന്നദ്ധ സംഘടനകളുടെ സഹായംകൂടി ലഭ്യമാക്കുന്നത്.

Related posts

%d bloggers like this: