FLASH

ലോക്ഡൗൺ കാരണം റദ്ദാക്കിയ തീവണ്ടികളിലെ ടിക്കറ്റ് റീഫണ്ട് ആരംഭിച്ചു;കൂടുതൽ വിവരങ്ങൾ..

ബെംഗളൂരു: ലോക്ഡൗൺകാരണം റദ്ദാക്കിയ തീവണ്ടികളിലെ ടിക്കറ്റ് റീഫണ്ട് ആരംഭിച്ച് റെയിൽവേ.

ദക്ഷിണ പശ്ചിമ റെയിൽവേ ബെംഗളൂരു ഡിവിഷനിലെ കെ.എസ്.ആർ. ബെംഗളൂരു സിറ്റി, യശ്വന്ത് പുര, ഹൊസൂർ,കന്റോൺമെന്റ്,യെലഹങ്ക, കൃഷ്ണരാജപുരം, കെങ്കേരി, മാണ്ഡ്യ, തുമകൂരു എന്നീ സ്റ്റേഷനുകളിലെ റിസർവേഷൻ കൗണ്ടറുകളിൽനിന്ന് ടിക്കറ്റുകൾ റീഫണ്ടു ചെയ്യാം.

എല്ലാ പ്രവൃത്തിദിനങ്ങളിലും ഉച്ചയ്ക്ക് 12 മുതൽ വൈകീട്ട് 6 മണിവരെയും ഞായറാഴ്ചകളിലും പൊതു അവധിദിവസങ്ങളിലും രാവിലെ 11 മുതൽ ഉച്ചയ്ക്ക് 2 മണിവരെയുമാകും കൗണ്ടറുകളിൽ നിന്ന് ടിക്കറ്റ് റീഫണ്ടുചെയ്ത്‌ ലഭിക്കുക.

അടുത്ത ദിവസങ്ങളിൽ കൂടുതൽ കൗണ്ടറുകൾ റിസർവേഷനുവേണ്ടിയും ടിക്കറ്റ് റീഫണ്ടിനായും തുറക്കും എന്ന് റെയിൽവേ അറിയിച്ചു.

ലോക് ഡൗൺ കാരണം റദ്ദായ തീവണ്ടികളിലെ ടിക്കറ്റ് തുക മുഴുവനായും ലഭിക്കും.

ഓൺലൈൻ വഴി ബുക്ക് ചെയ്ത ടിക്കറ്റുകളുടെ റീഫണ്ട് ഓൺലൈനിൽ തന്നെയാണ് ലഭിക്കുക.

താങ്കളുടെ സ്ഥാപനം /സേവനം/ബ്രാൻ്റ് എന്നിവ കൂടുതൽ ബെംഗളൂരു മലയാളികളിൽ എത്തിക്കാൻ നിങ്ങൾ ആഗ്രഹിക്കുന്നുണ്ടോ... കുറഞ്ഞ മുതൽ മുടക്കിൽ കൂടുതൽ റീച്ച്... നഗരത്തിലെ ഏറ്റവും കൂടുതൽ പേർ വായിക്കുന്ന മലയാളം ന്യൂസ് പോർട്ടലിൽ പരസ്യം നൽകാൻ ബന്ധപ്പെടുക ..+91 8296704560

Related posts

error: Content is protected !!