FLASH

അനിശ്ചിതത്വം തുടരുന്നു;കേരളത്തിലേക്ക് യാത്ര ചെയ്യേണ്ട ശ്രമിക് ട്രെയിൻ ഇനിയും പുറപ്പെട്ടിട്ടില്ല;ഉച്ചക്ക് 12 മണിക്കെത്തിയ സ്ത്രീകളടക്കം യാത്രക്കാർ ഇപ്പോഴും റെയിൽവേ സ്റ്റേഷന് പുറത്തു കാത്തു നിൽക്കുന്നു.

ബെംഗളൂരു : അനിശ്ചിതത്വത്തിന് ഇനിയും അറുതിയായില്ല, കേരളത്തിലേക്ക് പുറപ്പെടേണ്ട ആദ്യ ശ്രമിക്ക് ടെയിൻ ഇതുവരെ (23.05.19, 21 hrs)യാത്ര ആരംഭിച്ചിട്ടില്ല.

ഇന്ന് 8 മണിക്ക് കൻ്റോൺമെൻ്റ് സ്റ്റേഷനിൽ നിന്ന് യാത്ര ആരംഭിക്കും എന്നാണ് മുൻപ് അറിയിച്ചിരുന്നത്.

യാത്രക്കാരെ മുൻപ് അറിയിച്ചത് പ്രകാരം എല്ലാവരും പാലസ് ഗ്രൗണ്ടിൽ ഉച്ചക്ക് 12 മണിയോടെ തന്നെ എത്തിയിരുന്നു.

1600 ഓളം യാത്രക്കാർ ഉണ്ടെന്നാണ് കണക്കാക്കപ്പെടുന്നത്.

ഇതിൽ ഒരു വിഭാഗം യാത്രക്കാരെ ബി.എം.ടി.സി ബസിൽ കൻേറാൺമെൻ്റ് സ്റ്റേഷനിൽ എത്തിച്ചിട്ടുണ്ട്, അവർക്ക് ഇപ്പോഴും സ്റ്റേഷന് ഉള്ളിലേക്ക് കടക്കാൻ കഴിഞ്ഞിട്ടില്ല.

സ്ത്രീകളടക്കം പുറത്ത് തന്നെ കാത്തിരിക്കുകയാണ്.

അതേ സമയം ഒരു വിഭാഗം യാത്രക്കാരെ ഇപ്പോഴും പാലസ് ഗ്രൗണ്ടിൽ നിന്ന് റെയിൽവേ സ്‌റ്റേഷനിൽ എത്തിച്ചിട്ടേ ഇല്ല എന്നാണ് അറിയാൻ കഴിഞ്ഞത്.

ട്രെയിൻ എത്ര മണിക്ക് യാത്ര തുടങ്ങും എന്ന കാര്യത്തിൽ കൃത്യമായ ഒരു വിവരവും ലഭ്യമല്ല.

കഴിഞ്ഞ മാസം 29 ന് ആണ് നോർക്ക അന്യ സംസ്ഥാനത്തു നിന്ന് നാട്ടിലേക്ക് വരാൻ ആഗ്രഹിക്കുന്നവരുടെ റജിസ്ട്രേഷൻ തുടങ്ങുന്നത്.

തുടർന്ന് ട്രെയിൻ പ്രഖ്യാപിച്ചത് ഒരാഴ്ച മുൻപ് മാത്രമാണ്, ആദ്യം പ്രഖ്യാപിച്ചത് പ്രകാരം ട്രെയിൻ യാത്ര തുടങ്ങേണ്ടിയിരുന്നത് കഴിഞ്ഞ വ്യാഴ്ച യായിരുന്നു.

പിന്നീട് അത് ഇന്നത്തേക്ക് മാറ്റുകയായിരുന്നു.

താങ്കളുടെ സ്ഥാപനം /സേവനം/ബ്രാൻ്റ് എന്നിവ കൂടുതൽ ബെംഗളൂരു മലയാളികളിൽ എത്തിക്കാൻ നിങ്ങൾ ആഗ്രഹിക്കുന്നുണ്ടോ... കുറഞ്ഞ മുതൽ മുടക്കിൽ കൂടുതൽ റീച്ച്... നഗരത്തിലെ ഏറ്റവും കൂടുതൽ പേർ വായിക്കുന്ന മലയാളം ന്യൂസ് പോർട്ടലിൽ പരസ്യം നൽകാൻ ബന്ധപ്പെടുക ..+91 8296704560
Loading...

Related posts

error: Content is protected !!