FLASH

കര്‍ണാടകയില്‍ മൂന്നാമത്തെ കോവിഡ് മരണം!;കേരളത്തില്‍ പോയി തിരിച്ചു വന്ന 10 മാസം പ്രായമുള്ള കുട്ടിക്ക് കോവിഡ് സ്ഥിരീകരിച്ചു;ഇന്ന് 7 കേസുകള്‍ കൂടി;ആകെ കോവിഡ് ബാധിതരുടെ എണ്ണം 62 ആയി.

ബെംഗളൂരു : കര്‍ണാടകയില്‍ 7 പുതിയ കോവിഡ് പോസിറ്റീവ് കേസുകള്‍ കൂടി സ്ഥിരീകരിച്ചു.

സംസ്ഥാനത്തെ ആകെ രോഗ ബാധിതരുടെ എണ്ണം 62 ആയി.

രോഗി 56 : ദക്ഷിണ കന്നടയില്‍ നിന്നുള്ള 10 മാസം പ്രായമുള്ള ആണ്‍കുട്ടി,നേരിട്ട് വിദേശ യാത്ര നടത്തിയതായി വിവരമില്ല ,എന്നാല്‍ ബന്ധുക്കളോടൊപ്പം (മാതാപിതാക്കള്‍) കേരളത്തില്‍ പോയി തിരിച്ചു വന്നിട്ടുണ്ട്,കുട്ടിയുമായി ബന്ധപ്പെട്ട 6 പേരും നിരീക്ഷണത്തിലാണ്.കുട്ടി ദക്ഷിണ കന്നഡയിലെ ആശുപത്രിയില്‍ ചികിത്സയിലാണ്.

രോഗി 57 : ശ്രീലങ്കയിലെ കൊളോമ്പോയിലേക്ക് യാത്ര ചെയ്തു 15 ന് തിരിച്ചെത്തിയ 20 കാരന് ബെംഗളൂരുവില്‍ രോഗം സ്ഥിരീകരിച്ചു.നഗരത്തില്‍ ചികിത്സയിലാണ്.

രോഗി 58 : ഈ മാസം 18 ന് ലണ്ടനില്‍ നിന്ന് തിരിച്ചെത്തിയ 25 കാരിക്ക് ബെംഗളൂരുവില്‍ രോഗം സ്ഥിരീകരിച്ചു,അവര്‍ നഗരത്തില്‍ ചികിത്സയിലാണ്.

രോഗി 59 : രോഗി 25 മായി നേരിട്ട് സമ്പര്‍ക്കത്തില്‍ ഉണ്ടായിരുന്ന നിരീക്ഷണത്തില്‍ കഴിയുകയായിരുന്ന 35 കാരിയായ യുവതി.നഗരത്തില്‍ ചികിത്സയിലാണ്.

രോഗി 60 : ഈ മാസം 13 ന് ഡല്‍ഹിയിലേക്ക് തീവണ്ടി മാര്‍ഗം യാത്ര ചെയ്ത 60 കാരന്‍ തുമുക്കുരുവില്‍ ഇന്ന് മരണപ്പെട്ടു,ഇദ്ദേഹവുമായി നേരിട്ട് ബന്ധപ്പെട്ട 24 പേരെ കണ്ടെത്തി,13 പേര്‍ നിരീക്ഷണത്തിനായി ആശുപത്രിയിലേക്ക് മാറ്റി.8 പേര്‍ നെഗറ്റീവ് ആണ് 3 പേര്‍ ആരോഗ്യ പ്രവര്‍ത്തകര്‍ ആണ് ഇവര്‍ വീട്ടില്‍ നിരീക്ഷണത്തില്‍ ആണ്.

രോഗി 61 : രോഗി 25 മായി സമ്പര്‍ക്കത്തില്‍ ഉണ്ടായിരുന്ന 33 കാരിക്ക് രോഗം സ്ഥിരീകരിച്ചു.അവര്‍ നഗരത്തില്‍ ചികിത്സയിലാണ്.

രോഗി 62 : ദുബായില്‍ നിന്ന് തിരിച്ചെത്തിയ ഉത്തര കന്നഡ സ്വദേശി ,22 കാരന്‍ അവിടത്തെ ആശുപത്രിയില്‍ ചികിത്സയിലാണ്.

ഇതുവരെ 3 പേര്‍ മരിച്ചു,5 പേര്‍ അസുഖം ഭേദമായി ആശുപത്രി വിട്ടു,ഇതെല്ലം ചേര്‍ത്ത് ആണ് ആകെ രോഗികള്‍ 62.

താങ്കളുടെ സ്ഥാപനം /സേവനം/ബ്രാൻ്റ് എന്നിവ കൂടുതൽ ബെംഗളൂരു മലയാളികളിൽ എത്തിക്കാൻ നിങ്ങൾ ആഗ്രഹിക്കുന്നുണ്ടോ... കുറഞ്ഞ മുതൽ മുടക്കിൽ കൂടുതൽ റീച്ച്... നഗരത്തിലെ ഏറ്റവും കൂടുതൽ പേർ വായിക്കുന്ന മലയാളം ന്യൂസ് പോർട്ടലിൽ പരസ്യം നൽകാൻ ബന്ധപ്പെടുക ..+91 8296704560
Loading...

Related posts

error: Content is protected !!