FLASH

രാജ്യത്തെ അഴിമതിക്കേസുകളുടെ എണ്ണത്തിൽ ഏറ്റവും വർധന കർണാടകത്തിൽ; ഏറ്റവും കുറവ് കേരളത്തിൽ!!

ബെംഗളൂരു: രാജ്യത്തെ അഴിമതിക്കേസുകളുടെ എണ്ണത്തിൽ ഏറ്റവും വർധന കർണാടകത്തിൽ; ഏറ്റവും കുറവ് കേരളത്തിൽ!!അഴിമതിക്കേസുകളുടെ എണ്ണത്തിൽ കർണാടകത്തിൽ വൻവർധനയുണ്ടായതായി ദേശീയ ക്രൈം റെക്കോർഡ്‌സ് ബ്യൂറോ(എൻ.സി.ആർ.ബി.)യുടെ റിപ്പോർട്ട്.

ദേശീയതലത്തിൽ കേരളത്തിലാണ് ഏറ്റവും കുറവ് കേസുകൾ രജിസ്റ്റർചെയ്തത്. കർണാടകത്തിൽ 2016-ൽ 25 അഴിമതിക്കേസുകൾ രജിസ്റ്റർചെയ്തപ്പോൾ 2017-ൽ 289 കേസുകളാണെടുത്തത്. 2017-ൽ മുൻവർഷത്തെക്കാൾ 67 ശതമാനം കേസുകൾ കുറവാണ് കേരളത്തിൽ രജിസ്റ്റർ ചെയ്തത്.

കർണാടകത്തിലേത് രാജ്യത്തെ ഏറ്റവും വലിയ വർധനയാണെന്നും റിപ്പോർട്ടിൽ പറയുന്നു. കർണാടകമടക്കം 11 സംസ്ഥാനങ്ങളിൽ അഴിമതിക്കേസുകളിൽ വർധനയുണ്ടായിട്ടുണ്ട്. 2016-ൽ രാജ്യത്താകെ 4,439 കേസുകളുണ്ടായിരുന്ന സ്ഥാനത്ത് 2017-ൽ അത് 4,062 ആയി കുറഞ്ഞു.

കർണാടകം, ആന്ധ്രാപ്രദേശ്, കേരളം, തെലങ്കാന, തമിഴ്‌നാട് എന്നീ ദക്ഷിണേന്ത്യൻ സംസ്ഥാനങ്ങളിലായി 2017-ൽ 942 കേസുകളും 2016-ൽ 878 കേസുകളും രജിസ്റ്റർ ചെയ്തു. ചില കേന്ദ്രഭരണപ്രദേശങ്ങളിലും വടക്കുകിഴക്കൻ സംസ്ഥാനങ്ങളിലും വളരെക്കുറച്ച് അഴിമതിക്കേസുകൾമാത്രമാണ് റിപ്പോർട്ട് ചെയ്തത്.

താങ്കളുടെ സ്ഥാപനം /സേവനം/ബ്രാൻ്റ് എന്നിവ കൂടുതൽ ബെംഗളൂരു മലയാളികളിൽ എത്തിക്കാൻ നിങ്ങൾ ആഗ്രഹിക്കുന്നുണ്ടോ... കുറഞ്ഞ മുതൽ മുടക്കിൽ കൂടുതൽ റീച്ച്... നഗരത്തിലെ ഏറ്റവും കൂടുതൽ പേർ വായിക്കുന്ന മലയാളം ന്യൂസ് പോർട്ടലിൽ പരസ്യം നൽകാൻ ബന്ധപ്പെടുക ..+91 8296704560

Related posts

error: Content is protected !!