ജാഗ്രത; അപകടങ്ങൾക്ക് കുപ്രസിദ്ധി നേടിയ നഗരത്തിലെ മേൽപാലങ്ങൾ..

ബെംഗളൂരുവാർത്തയുടെ വാട്സ് ആപ്പ് ഗ്രൂപ്പിൽ അംഗമാകാൻ 8880173737 എന്ന വാട്സ് ആപ്പ്നമ്പറി"Hi"അയക്കുക.

ബെംഗളൂരു: മേൽപാലങ്ങളിൽ പാർക്കിങിന് നിരോധനം ഏർപ്പെടുത്തിയിട്ടുണ്ടെങ്കിലും രാത്രി സമയങ്ങളിൽ വിശ്രമിക്കാനും ഫോൺ ചെയ്യാനും മറ്റും വാഹനങ്ങൾ നിർത്തിയിടുന്നത് പതിവ്കാഴ്ചയാണ്.

അമിത വേഗത്തിലെത്തുന്ന വാഹനങ്ങൾ പാർക്ക് ചെയ്ത വാഹനങ്ങളിൽ ഇടിച്ചാണ് അപകടങ്ങൾ ഏറെയും സംഭവിക്കുന്നത്. അപകടങ്ങൾക്ക് കുപ്രസിദ്ധി നേടിയ നഗരത്തിലെ മേൽപാലങ്ങളിൽ വാഹനങ്ങളുടെ അനധികൃത പാർക്കിങ് ഭീതിവിതയ്ക്കുന്നു.

അമിതവേഗത്തിനു പേരുകേട്ട ഹെബ്ബാൾ-യെലഹങ്ക, ഇലക്ട്രോണിക് സിറ്റി, കെആർ പുരം മേൽപാലങ്ങളിലാണ് അപകടങ്ങൾ ഏറെയും സംഭവിക്കുന്നത്. രാത്രിയിൽ പാർക്കിങ് ലൈറ്റ് പോലും ഇടാതെയാണ് പലരും അലക്ഷ്യമായി വാഹനം നിർത്തുന്നത്. മതിയായ സൂചന ബോർഡുകളും തെരുവ് വിളക്കുകളും കത്താത്ത മേൽപാലങ്ങളിൽ രാത്രിയായാൽ കൂരിരുട്ടാണ്.‌

അമിതവേഗത്തിൽ വരുന്ന വാഹനങ്ങൾ നേർക്കുനേർ കൂട്ടിയിടിച്ചും പാലത്തിൽ നിന്ന് താഴെ വീണുമുള്ള അപകടങ്ങളാണ് ഏറെയും. കഴിഞ്ഞ ദിവസമാണ് ജാലഹള്ളിയിലെ മേൽപാലത്തിൽ അനധികൃതമായി പാർക്ക് ചെയ്ത കാറിൽ ഓട്ടോറിക്ഷയിടിച്ച് ഒരാൾ മരിച്ചത്. മേല്പാലങ്ങളിലൂടെ വാഹനമോടിക്കുന്നവർ അതീവ ജാഗ്രത പുലർത്തേണ്ടത് അത്യന്തം അനിവാര്യമാണ്.

താങ്കളുടെ സ്ഥാപനം /സേവനം/ബ്രാൻ്റ് എന്നിവ കൂടുതൽ ബെംഗളൂരു മലയാളികളിൽ എത്തിക്കാൻ നിങ്ങൾ ആഗ്രഹിക്കുന്നുണ്ടോ... കുറഞ്ഞ മുതൽ മുടക്കിൽ കൂടുതൽ റീച്ച്... നഗരത്തിലെ ഏറ്റവും കൂടുതൽ പേർ വായിക്കുന്ന മലയാളം ന്യൂസ് പോർട്ടലിൽ പരസ്യം നൽകാൻ ബന്ധപ്പെടുക ..+91 8296704560
Loading...

Related posts

error: Content is protected !!
%d bloggers like this: