FLASH

കെ.സി.വേണു ഗോപാലിനെ” ബഫൂൺ” എന്ന് വിളിച്ച് പണി വാങ്ങിയ ശിവാജി നഗർ എംഎൽഎ റോഷൻ ബേഗും രാജി പ്രഖ്യാപിച്ചു;ബി.ജെ.പിയിൽ ചേരും.

ബെംഗളൂരു : ശിവാജി നഗർ എംഎൽഎയും കോൺഗ്രസിന്റെ മുതിർന്ന നേതാവും പാർട്ടിയുടെ ന്യൂനപക്ഷ മുഖവുമായ ശിവാജി നഗർ എം എൽ എ റോഷൻ ബേഗും എം എൽ എ സ്ഥാനവും പാർട്ടി മെമ്പർഷിപ്പും രാജിവക്കുന്നതായി പ്രഖ്യാപിച്ചു, ഒരു പടി കൂടി കടന്ന് താൻ ബിജെപിയിൽ ചേരുമെന്നും അദ്ദേഹം ഉറപ്പിച്ച് പറഞ്ഞു .

ലോകസഭാ തെരഞ്ഞെടുപ്പിൽ കോൺഗ്രസിന് സംസ്ഥാനത്തേറ്റ വൻ പരാജയത്തെ തുടർന്ന് 8 പ്രാവശ്യം എം എൽ എ ആയ റോഷൻ ബേഗ് സീനിയർ കോൺഗ്രസ് നേതാക്കൾക്കെതിരെ പൊട്ടിത്തെറിച്ചിരുന്നു.

മുസ്ലീംങ്ങൾ കോൺഗ്രസിനെ വിശ്വസിക്കരുത് എന്നും പ്രസ്താവന നടത്തി, കൂടെ കെപിസിസി പ്രസിഡന്റ് ദിനേശ് ഗുണ്ടു റാവുവിനെ ശക്തമായി വിമർശിച്ചതിനോടൊപ്പം സംസ്ഥാനത്തെ എഐസിസി പ്രതിനിധിയായ കെ സി വേണുഗോപാലിനെ ബഫൂൺ എന്നും വിശേഷിപ്പിച്ചിരുന്നു.

കോൺഗ്രസ് പാർട്ടി പ്രാഥമിക അംഗത്വത്തിൽ നിന്ന് സസ്പെന്റ് ചെയ്ത ബേഗിനെതിരെ ഐ.എം.എ ജ്വല്ലറി തട്ടിപ്പു കേസിലെ പ്രതി മൻസൂർ ഖാൻ ഗുരുതര ആരോപണങ്ങളുമായി മുന്നോട്ട് വന്നിരുന്നു.

താങ്കളുടെ സ്ഥാപനം /സേവനം/ബ്രാൻ്റ് എന്നിവ കൂടുതൽ ബെംഗളൂരു മലയാളികളിൽ എത്തിക്കാൻ നിങ്ങൾ ആഗ്രഹിക്കുന്നുണ്ടോ... കുറഞ്ഞ മുതൽ മുടക്കിൽ കൂടുതൽ റീച്ച്... നഗരത്തിലെ ഏറ്റവും കൂടുതൽ പേർ വായിക്കുന്ന മലയാളം ന്യൂസ് പോർട്ടലിൽ പരസ്യം നൽകാൻ ബന്ധപ്പെടുക ..+91 8296704560
Loading...

Related posts

error: Content is protected !!