യാത്രക്കാരുടെ പ്രതിഷേധത്തിന് മുൻപിൽ റെയിൽവേ മുട്ടുമടക്കി; സിറ്റി റെയിൽവേ സ്‌റ്റേഷനിലെ പുതിയ പാർക്കിംഗ് നിരക്ക് പിൻവലിക്കും.

ബെംഗളൂരുവാർത്തയുടെ വാട്സ് ആപ്പ് ഗ്രൂപ്പിൽ അംഗമാകാൻ 8880173737 എന്ന വാട്സ് ആപ്പ്നമ്പറിൽ ബന്ധപ്പെടുക..

ബെംഗളൂരു: മജസ്റ്റിക് കെ എസ് ആർ -സിറ്റി റെയിൽവേ സ്റ്റേഷനിൽ ഇരുചക്ര വാഹന പാർക്കിങ്ങിന് അമിത നിരക്ക്
ഈടാക്കുന്നതിനെതിരെ സമൂഹമാധ്യമങ്ങളിൽ പ്രതിഷേധം ശക്തമായതോടെ നിരക്കുവർധന പിൻവലിക്കാമെന്ന് ഉറപ്പുനൽകി റെയിൽവേ.

ആദ്യ 2 മണിക്കുറിനു 12 രൂപയും പിന്നീടുള്ള ഓരോ മണിക്കൂറിനും 10 രൂപ വീതവും ഒരു ദിവസത്തേക്കു 232 രൂപയുമാണുപുതിയ പാർക്കിങ് നിരക്ക്. പാർക്കിങ് ടിക്കറ്റ് നഷ്ടമായാൽ 500 രൂപ നൽകണം.

ആദ്യ 2 മണിക്കൂറിനു 10 രൂപയും ഒരു ദിവസംപാർക്ക് ചെയ്യാൻ 70 രൂപയുമാ
യിരുന്നു പഴയ നിരക്ക്.

ബൈക്ക് റെയിൽവേ സ്റ്റേഷനിൽ പാർക്ക് ചെയ്ത ജോലിക്കും മറ്റുമായി ട്രയിൻ യാത്ര ചെയ്യുന്നവർ നിരക്ക് വർദ്ധനവിന് എതിരെ റെയിൽവേ ട്വിറ്റർ പേജിലൂടെയും മറ്റും പ്രതിഷേധിച്ചു.

അതോടെ നിരക്ക് വർധന ഉടൻ പിൻവലിക്കുമെന്ന് കെ എസ് സ്റ്റേഷന്റെ ചുമതലയുള്ള ഇന്ത്യൻ റെയിൽവേ സ്റ്റേഷൻ ഡെവലപ്മെൻറ് കോർപറേഷൻ (ഐഎസ്ആർടിഡിസി) ഉറപ്പുനൽകി.

കാറിന് ആദ്യ രണ്ട് മണിക്കൂറിന് 25 രൂപയും തുടർന്നുള്ള ഓരോ മണിക്കൂറിനും 20 രൂപ വീതവും ഒരു ദിവസത്തേക്ക് 400 രൂപയുമായിരുന്നു പുതുക്കിയ നിരക്ക്.

Loading...

Related posts

നിങ്ങളുടെ അഭിപ്രായം എഴുതൂ..

%d bloggers like this: