FLASH

തീവ്രവാദ സംഘടനയുമായി ബന്ധമുള്ള അഞ്ചുപേരെ ബെംഗളൂരു സെൻട്രൽ ക്രൈം ബ്രാഞ്ച് കസ്റ്റഡിയിലെടുത്തു!

 

ബെംഗളൂരു: തീവ്രവാദ സംഘടനയുമായി ബന്ധമുള്ള അഞ്ചുപേരെ ബെംഗളൂരു സെൻട്രൽ ക്രൈം ബ്രാഞ്ച് കസ്റ്റഡിയിലെടുത്തു. നിരോധിത തീവ്രവാദസംഘടനയായ അൽ ‍- ഉമ്മയുമായി ബന്ധമുള്ളവരെയാണ് സംസ്ഥാനത്തിന്റെ വിവിധ ഭാഗങ്ങളിൽനിന്ന് കസ്റ്റഡിയിലെടുത്തത്.

ഇവർക്ക് കന്യാകുമാരി കളിയിക്കാവിളയിൽ എസ്.എസ്.ഐ. വൈ. വിൽസനെ വെടിവെച്ചുകൊന്ന കേസിലെ പ്രതികളുമായി ബന്ധമുണ്ടെന്നാണ് സംശയിക്കുന്നത്. ശിവമോഗ, കോലാർ, രാമനഗര എന്നിവിടങ്ങളിൽനിന്ന് കസ്റ്റഡിയിലെടുത്ത ഇവരെ ചോദ്യംചെയ്തുവരികയാണ്.

ഇവരുടെ അറസ്റ്റ് ഉടനുണ്ടായേക്കുമെന്നാണ് വിവരം. കോലാർ പ്രശാന്തിനഗറിൽനിന്ന് സമീർ, ഇമ്രാൻഖാൻ എന്നിവരെയാണ് പിടികൂടിയത്. മറ്റുള്ളവരുടെ പേരുവിവരങ്ങൾ പുറത്തുവിട്ടിട്ടില്ല.

അൽ -ഉമ്മയുമായി ബന്ധമുള്ള 14 പേർക്കെതിരേ പോലീസ് കേസെടുത്തിരുന്നു. ഇവർ ബെംഗളൂരുവിലെത്തി സമുദായങ്ങൾക്കിടയിൽ ഭിന്നിപ്പുണ്ടാക്കാൻ നീക്കംനടത്തിയെന്നാണ് കണ്ടെത്തൽ.

 

Related posts

%d bloggers like this: