വാഹനങ്ങൾ കത്തിച്ച് പണംതട്ടാൻ ശ്രമിച്ച രണ്ടുപേരെ പോലീസ് വെടിവെച്ച് പിടികൂടി!!

Loading...

ബെംഗളൂരു: വാഹനങ്ങൾ കത്തിച്ച് പണംതട്ടാൻ ശ്രമിച്ച രണ്ടുപേരെ പോലീസ് വെടിവെച്ച് പിടികൂടി!! ടി. ദാസറഹള്ളിയിൽ വ്യവസായി ആർ. ശ്രീനിവാസയുടെ മൂന്നുനില വീടിന് സമീപം പാർക്ക് ചെയ്തിരുന്ന ഒരു ബൈക്കും മൂന്നു സ്കൂട്ടറുകളുമാണ് ഇവർ കത്തിച്ചത്. ബി.ജെ.പി.യുടെ പ്രാദേശിക നേതാവും ജല ശുദ്ധീകരണ യൂണിറ്റിന്റെ ഉടമകൂടിയാണ് ശ്രീനിവാസ്.

വ്യവസായിയുടെ വീടിന് മുന്നിൽ പാർക്ക് ചെയ്തിരുന്ന വാഹനങ്ങൾ കത്തിച്ച് ഭീഷണിപ്പെടുത്തി പണംതട്ടാൻ ശ്രമിച്ച തമിഴ്നാട് സ്വദേശികളായ മുഹമ്മദ് റിയാസ് (23), മുഹമ്മദ് ബേസിത് (23) എന്നിവരാണ് പിടിയിലായത്.

വായിക്കുക:  ബെംഗളൂരു ടെക്ക് സബ്മിറ്റ് ഇന്നു മുതൽ 3 ദിവസം.

രാത്രി ഒരുമണിയോടെയാണ് തീകൊളുത്തിയ ശേഷം ഇവർ കടന്നുകളഞ്ഞത്. തുടർന്ന് ശ്രീനിവാസിനെ ഫോണിൽ വിളിച്ച് സംഭവത്തിന്റെ ഉത്തരവാദിത്വം ഏറ്റെടുക്കുകയും 50 ലക്ഷം രൂപ തന്നില്ലെങ്കിൽ ഓഫീസും ജലശുദ്ധീകരണ പ്ലാന്റും കാറുകളും കത്തിക്കുമെന്ന് ഭീഷണിപ്പെടുത്തുകയും ചെയ്തു.

ശ്രീനിവാസിന്റെ പരാതിയെ തുടർന്ന് ഡി.സി.പി. ശശികുമാറിന്റെ നേതൃത്വത്തിലുള്ള പോലീസ് സംഘം പിറ്റേദിവസം രാവിലെ ആചാര്യ പി.യു. കോളേജിന് സമീപം പ്രതികളെ കണ്ടെത്തി.

വായിക്കുക:  മലയാളം മിഷന്റെ പഠനോൽസവം 17ന് ഇന്ദിരാനഗറിലെ കൈരളി നികേതൻ സ്കൂളിൽ.

പിടികൂടാൻ ശ്രമിച്ചപ്പോൾ തിരിച്ച് ആക്രമിക്കാൻ ശ്രമിച്ചതിനാൽ ഇൻസ്പെക്ടർ ശിവസ്വാമി ഇരുവരുടെയും കാലിൽ വെടിവെച്ച് വീഴ്ത്തുകയായിരുന്നു. ഇവരെ ആശുപത്രിയിൽ പ്രവേശിപ്പിച്ചതായി പോലീസ് പറഞ്ഞു.

Loading...

Related posts