FLASH NEWS

താന്‍ ജനിച്ച ഗര്‍ഭപാത്രത്തില്‍ നിന്നും തനിയ്ക്കൊരു കുഞ്ഞ്!

പൂനെ: അമ്മയുടെ ഗര്‍ഭപാത്രം സ്വീകരിച്ച് ഗര്‍ഭിണിയായ മകള്‍ക്ക് പെണ്‍കുഞ്ഞ് പിറന്നു.

ഗുജറാത്ത് വഡോദര സ്വദേശിയായ മീനാക്ഷി എന്ന ഇരുപത്തിയേഴുകാരിയാണ് താന്‍ ജനിച്ച ഗര്‍ഭപാത്രത്തില്‍ നിന്ന് തന്നെ കുഞ്ഞിന് ജന്മം നല്‍കിയത്. പൂനെയിലെ ഗാലക്‌സി ഹോസ്പിറ്റലിലാണ് മീനാക്ഷി പെണ്‍കുഞ്ഞിന് ജന്മം നല്‍കിയത്.

ഏഷ്യയില്‍ ആദ്യത്തെയും ലോകത്തില്‍ പന്ത്രണ്ടാമത്തെയും സംഭവമാണിത്. സ്വീഡനില്‍ ഇത്തരത്തില്‍ ഒമ്പത് ട്രാന്‍സ്പ്ലാന്‍റേഷനുകളും യുഎസില്‍ രണ്ടെണ്ണവുമാണ് നടന്നിട്ടുള്ളത്.

ഗര്‍ഭച്ഛിദ്രത്തെ തുടര്‍ന്ന് ഗര്‍ഭപാത്രത്തിന് തകരാറുണ്ടായ മീനാക്ഷിയ്ക്ക് കുഞ്ഞുണ്ടാകില്ലെന്ന് ഡോക്ടര്‍മാര്‍ നേരത്തെ പറഞ്ഞിരുന്നു. ഇത് അറിഞ്ഞതോടെയാണ് മീനാക്ഷി അമ്മയുടെ ഗര്‍ഭപാത്രം സ്വീകരിച്ചത്.

വായിക്കുക:  ബെള​ഗാവിയിൽ പ്രതിഷേധം നടത്തുമെന്ന് കരിമ്പ് കർഷകർ

ഗര്‍ഭപാത്രം മാറ്റിവയ്ക്കള്‍ ശസ്ത്രക്രിയക്ക് ശേഷം 17 മാസം കഴിഞ്ഞാണ് മീനാക്ഷിയ്ക്ക് കുഞ്ഞുണ്ടായത്. ഇന്‍വിട്രോ ഫെര്‍ട്ടിലൈസേഷന്‍ (ഐവിഎഫ്) ചികിത്സയിലൂടെയാണ് മീനാക്ഷി ഗര്‍ഭിണിയായത്.

ഗര്‍ഭിണിയായതിന് ശേഷം ഏഴാം മാസത്തില്‍ ശസ്ത്രക്രിയയിലൂടെയാണ് കുഞ്ഞിനെ പുറത്തെടുത്തത്. കുഞ്ഞിന് 1.4 കിലോഗ്രാം തൂക്കമുണ്ടെന്നും അമ്മയും കുഞ്ഞും സുഖമായിരിക്കുന്നുവെന്നും ആശുപത്രി അധികൃതര്‍ അറിയിച്ചു.

കൂടുതല്‍എക്സ്ക്ലുസീവ് ബാംഗ്ലൂര്‍ വാര്‍ത്തകള്‍ക്കായി ഞങ്ങളുടെ പേജ് ലൈക്ക് ചെയ്യുക => (ഇവിടെ കൊടുത്തിരിക്കുന്ന ചിത്രങ്ങള്‍ എല്ലാം യഥാര്‍ത്ഥ സംഭവത്തിന്റെത് ആയിരിക്കണം എന്നില്ല;യഥാര്‍ത്ഥ സംഭവത്തിന്റെ ചിത്രം ലഭ്യമല്ലാത്തപ്പോള്‍ സംഭവത്തെ പ്രതിനിധീകരിക്കുന്ന ചിത്രങ്ങള്‍ ചേര്‍ക്കുന്നതാണ്. കമന്റ്‌ ബോക്സില്‍ വരുന്ന അഭിപ്രായങ്ങള്‍ ഒന്നും BengaluruVaartha.Com ന്റെത് അല്ല,മാന്യമായ ഭാഷയില്‍ വിമര്‍ശിക്കാനും വിയോജിക്കാനും അഭിനന്ദിക്കാനും താഴെ കൊടുത്തിരിക്കുന്ന കമെന്റ് ബോക്സ് ഉപയോഗപ്പെടുത്തുക.അശ്ലീലം ഉപയോഗിക്കുന്നവരെയും മറ്റു ലിങ്കുകള്‍ ഇവിടെ പോസ്റ്റ്‌ ആയി ഇടുന്നവരെയും മത രാഷ്ട്രീയ വൈരം തീര്‍ക്കാന്‍ ശ്രമിക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ്‌ - എഡിറ്റര്‍)
വായിക്കുക:  ചോദ്യ പേപ്പർ ചോർച്ച; സംഭവത്തിൽ റിമാൻഡിലായത് 110 ഉദ്യോ​ഗാർഥികൾ

Related posts